Austin, Texas: మహానటుడు ఎన్టీఆర్ అభిమానుల నడుమ ఘనంగా NTR జయంతి వేడుకలు

ఆస్టిన్ (అమెరికా): మహానటుడు, తెలుగుదేశం పార్టీ వ్యవస్థాపకుడు, మాజీ ముఖ్యమంత్రి స్వర్గీయ నందమూరి తారక రామారావు గారి 103వ జయంతి వేడుకలను (Birthday Celebrations) అమెరికాలోని ఆస్టిన్ (Austin, Texas) నగరంలో ఎన్టీఆర్ అభిమానులు, తెలుగుదేశం పార్టీ (TDP) నాయకులు, కార్యకర్తలు అత్యంత వైభవంగా నిర్వహించారు. మే 23న జరిగిన ఈ కార్యక్రమానికి ఎన్టీఆర్ (NTR) అభిమానులు, పార్టీ శ్రేణులు భారీ సంఖ్యలో తరలివచ్చారు.

భక్తిశ్రద్ధలతో నివాళులు

కార్యక్రమంలో భాగంగా అభిమానులందరూ కలిసి ఎన్టీఆర్ (Nandamuri Taraka Rama Rao – NTR) విగ్రహానికి జ్యోతి ప్రజ్వలన చేసి, పూలమాలలు వేసి ఘనంగా నివాళులర్పించారు. “జోహార్ ఎన్టీఆర్” అంటూ కార్యకర్తలు చేసిన నినాదాలతో సభా ప్రాంగణం మారుమోగింది.

ఎన్టీఆర్ సేవలను స్మరించుకున్న నాయకులు

ఈ సందర్భంగా జ్యోతి ప్రజ్వలన అనంతరం ఆస్టిన్ తెలుగుదేశం పార్టీ (NRI TDP Austin) ప్రెసిడెంట్ లెనిన్ ఎర్రం (Lenin Yerram), ఆస్టిన్ టిడిపి సీనియర్ నాయకులు ఉమాపతి తుమ్మల, మరియు ఆస్టిన్ తెలుగుదేశం వైస్ ప్రెసిడెంట్ రవి కొత్త గార్లు ప్రసంగించారు.

“నటనా రంగంలోనే కాకుండా, రాజకీయాల్లోనూ ఎన్టీఆర్ గారు సృష్టించిన ప్రభంజనం అజరామరం. తెలుగువారి ఆత్మగౌరవాన్ని ప్రపంచవ్యాప్తం చేసిన మహోన్నత వ్యక్తి ఆయన (NTR). ఆయన ఆశయ సాధన కోసం ప్రతి ఒక్కరూ కృషి చేయాలి.” అని వారు పేర్కొన్నారు.

రుచికరమైన విందు.. ప్రత్యేక కృతజ్ఞతలు

ఈ వేడుకలకు విచ్చేసిన వారందరికీ ‘బే బిర్యానీస్’ (Bay Biryanis) రెస్టారెంట్ వారు అత్యంత రుచికరమైన విందు భోజనాన్ని అందించారు. అనంతరం NTR జయంతి వేడుకల కార్యక్రమానికి విచ్చేసిన అభిమానులు, నాయకులు అందరూ కలిసి గ్రూప్ ఫోటోలు దిగారు.

చివరగా, ఆస్టిన్ తెలుగుదేశం కమిటీ (NRI TDP Austin) సభ్యులు ఈ NTR జయంతి వేడుకల కార్యక్రమాన్ని ఇంతటి ఘన విజయవంతం చేసినందుకు, విచ్చేసిన ప్రతి ఒక్కరికీ పేరుపేరునా ప్రత్యేక కృతజ్ఞతలు మరియు ధన్యవాదాలు తెలియజేయడంతో వేడుకలు ముగిశాయి.