NATS 8వ అమెరికా తెలుగు సంబరాల Grand Kickoff నవంబర్ 2న @ Tampa, Florida

నార్త్ అమెరికా తెలుగు సొసైటీ (NATS) ప్రతి రెండు సంవత్సరాలకు ఒకసారి నిర్వహించే అమెరికా తెలుగు సంబరాలు (Convention) ఈసారి 2025 జులై 4, 5, 6 తేదీలలో ఫ్లోరిడా (Florida) రాష్ట్రం, టాంపా మహానగరంలోని టాంపా కన్వెన్షన్ సెంటర్ (Tampa Convention Center) లో నిర్వహించనున్న సంగతి అందరికీ తెలిసిందే.

ఈ 8వ అమెరికా తెలుగు సంబరాలను నాట్స్ మాజీ ఛైర్మన్ శ్రీనివాస్ గుత్తికొండ (Srinivas Guthikonda) కన్వీనర్ గా పెద్ద ఎత్తున నిర్వహించనున్నారు. ఇందులో భాగంగా గ్రాండ్ కిక్ ఆఫ్ ఈవెంట్ వచ్చే నెల నవంబర్ 2, శనివారం సాయంత్రం టాంపా (Tampa) లోని ఇండియన్ కల్చరల్ సెంటర్ లో నిర్వహించేలా ఏర్పాట్లు చేస్తున్నారు.

టాలీవుడ్ ప్రముఖ సంగీత దర్శకులు తమన్ (Ghantasala Sai Srinivas Sivakumar – SS Thaman) ఈ నాట్స్ కన్వెన్షన్ కిక్ ఆఫ్ ఈవెంట్ కి ముఖ్య అతిథిగా విచ్చేస్తున్నారు. అలాగే టాలీవుడ్ (Tollywood) గాయనీగాయకులు సాకేత్ కోమండూరి, మనీషా ఈరబత్తిని మరియు శృతి రంజని బృందం మ్యూజికల్ కాన్సర్ట్ (Musical Concert) తో అలరించనున్నారు.

సాహిత్య వింజమూరి వ్యాఖ్యాతగా వ్యవహరించనుంది. విభిన్నమైన లోకల్ టాలెంట్ సాంస్కృతిక కార్యక్రమాలు (Cultural Programs) ఆహ్వానితులను ఆకట్టుకోనున్నాయి. మరో విశేషమేంటంటే అమెరికా నలుమూలల నుండి నార్త్ అమెరికా తెలుగు సొసైటీ లీడర్షిప్ (NATS Leadership) అందరూ ఈ కిక్ ఆఫ్ ఈవెంట్ లో పాల్గొననున్నారు.

నాట్స్ (North America Telugu Society) ఎగ్జిక్యూటివ్ కమీటీ, బోర్డ్ ఆఫ్ డైరెక్టర్స్, రీజినల్ కోఆర్డినేటర్స్, చాప్టర్ హెడ్స్ ఇలా దాదాపు అందరూ వస్తున్నట్లు తెలిసింది. నాట్స్ సభ్యత్వాన్ని ప్రోత్సహించేలా ఈ కిక్ ఆఫ్ ఈవెంట్లో నాట్స్ లైఫ్ టైం సభ్యత్వం ఉన్నవారికి ప్రత్యేక సీటింగ్ ఉండేలా నాట్స్ టాంపా విభాగం (NATS Tampa Chapter) వారు ఏర్పాట్లు చేస్తున్నారు.

గత రెండు సంవత్సరాలుగా బ్లాక్బస్టర్ ఈవెంట్స్, సేవాకార్యక్రమాలు, అమెరికాలోని పలు రాష్ట్రాల్లో కొత్త చాఫ్టర్లు మొదలుపెట్టి మంచి ఊపు మీదున్న నాట్స్ (NATS) ని ఈ కన్వెన్షన్ తో నెక్స్ట్ లెవెల్ కి తీసుకెళ్లేలా కన్వీనర్ శ్రీనివాస్ గుత్తికొండ సారధ్యంలో నాట్స్ ఛైర్మన్ ప్రశాంత్ పిన్నమనేని, నాట్స్ అధ్యక్షులు మదన్ పాములపాటి టీమ్స్ కృషి చేస్తున్నాయి.