మంచు లక్ష్మి తో అట్లాంటా వెంకట్ నటించిన ఆదిపర్వం నవంబర్ 8 విడుదల @ Aurora Cineplex, Roswell, Atlanta

అన్విక ఆర్ట్స్ పతాకంపై రావుల వెంకటేశ్వరరావు ప్రజంట్ చేస్తున్న ఆదిపర్వం (Adiparvam) సినిమా నవంబర్ 8న అట్లాంటాలోని రోస్వెల్ అరోరా సినీ ప్లెక్స్ (Aurora Cineplex, Roswell) లో విడుదల కానుంది. ఈ మూవీకి సంజీవ్ మేగోటి దర్శకత్వ బాధ్యతలు నిర్వర్తించగా, మాధవ్ సైబ సంగీతం అందించారు.

MSK నిర్మాతగా, ఘంటా శ్రీనివాసరావు ఎగ్జిక్యూటివ్ ప్రొడ్యూసర్ గా ఈ తెలుగు సినిమా ‘ఆదిపర్వం’ కర్నూల్ (Kurnool) లోని ఎర్రగుడి నేపథ్యంలో రియల్ లైఫ్ స్టోరీగా తెరకెక్కించారు. మంచు లక్ష్మి (Manchu Lakshmi) లీడ్ రోల్ ప్లే చేసిన ఈ సినిమాలో అమెరికాలోని అట్లాంటా కి చెందిన వెంకట్ దుగ్గిరెడ్డి డాక్టర్ పాత్ర పోషించారు.

ఈ మూవీ (Cinema) 5 భాషల్లో విడుదల అవుతుండడం విశేషం. ఇంకా ఈ సినిమాలో మంచు లక్ష్మి భర్తగా జెమిని సురేష్, డాక్టర్ గా వెంకట్ దుగ్గిరెడ్డి (Venkat Duggireddy), ఆదిత్య ఓం, ఎస్తేర్, సత్య ప్రకాష్, రవి రెడ్డి, సుహాసిని, శివ కంటమనేని, ఢిల్లీ రాజేశ్వరి, జబర్దస్త్ గడ్డం నవీన్, హరీ జోష్ తదితర ప్రముఖులు నటించారు.

అట్లాంటా (Atlanta) ఎన్నారై వెంకట్ దుగ్గిరెడ్డి విలన్ దగ్గిర డాక్టర్ రోల్ లో నటించారు. వెంకట్ ఇప్పటికే గాలోడు, మిస్టరీ, వాయుపుత్ర వంటి దాదాపు 8 సినిమాలలో విలన్, డిటెక్టివ్, డాక్టర్, కిల్లర్ గా విభిన్న పాత్రలలో నటించి పలువురు టాలీవుడ్ ప్రముఖుల (Tollywood Celebrities) నుంచి అభినందనలు అందుకున్నారు.

నవంబర్ 8న 7:30 షో తో మొదలై నవంబర్ 14 వరకు ప్రతి రోజూ అట్లాంటా (Atlanta) లోని రోస్వెల్ అరోరా సినీ ప్లెక్స్ లో ఒక షో వేయనున్నారు. ఈ మూవీ ట్రైలర్ కూడా మంచి టాక్ తెచ్చుకుంది. అట్లాంటా వాసులందరూ తప్పకుండా ఈ ఆదిపర్వం (Adiparvam) సినిమాని చూసి మన అట్లాంటా ఎన్నారై వెంకట్ దుగ్గిరెడ్డి ని ఆదరించవలసిందిగా మనవి.