Massachusetts: Boston లో పండగ బంతి భోజనాలు @ TAGB సంక్రాంతి సంబరాలు

Boston: సంక్రాంతి సంబరాలు జనవరి 25న రెన్ తం కింగ్ ఫిల్లిప్ రీజనల్ హైస్కూల్ (King Philip Regional High School) లో అంగరంగ వైభవంగా జరిగాయి. మొట్టమొదటిసారి టి.ఏ.జీ.బి (Telugu Association of Greater Boston) ఆధ్వర్యంలో ఏర్పాటు చేసిన విందు భోజనం పండగ బంతి భోజనాలు ఆహుతులని విపరీతంగా ఆకర్షించాయి. 12 గంటలకి మొదలైన భోజనాలు కిటకిట లాడుతూ వివాహ భోజనాన్ని తలపించాయి.

నలుగురు ఫూడ్వెండర్ల నుండి 20 పైగా పదార్ధాలతో విందు ఏర్పాటూ చేసామని, ఆ వచ్చిన డబ్బులని బోస్టన్ చిల్డ్రన్స్ హాస్పిటల్ మరియు డానా ఫార్బెర్ క్యాన్సర్ ఇన్స్టిట్యుట్ (Dana-Farber Cancer Institute) కి స్వచ్చందవిరాళం గా ఇవ్వ బోతున్నట్లు కొశాధికారి దీప్తి కొరిపల్లి (Deepti Koripalli) తెల్పారు. ఇది టీ.ఏ.జీ.బీ ‘గివింగ్ బాక్’ ఇనిషిఏటివ్ లో భాగమని అధ్యక్షురాలు దీప్తీ గోరా మరియు కార్యవర్గ సభ్యులు తెల్పారు.

ప్రెసిడెంట్ శ్రీమతి దీప్తీ గోరా (Deepti Gora) సారధ్యంలో ఈ సంవత్సరం కొత్త కొత్త కార్యక్రమాలు విజయవంతంగా జరిగాయి. సాంస్కృతిక కార్యక్రమాలు, క్రీడలు, భాషా వేదికలు, ఇష్టాగోష్టులు, పాటల పోటీ, వేసవి స్నేహోత్సవం, పాటా మాటా ఓ తెలుగాట; వంటల పోటీలు, ఇన్స్టా రీల్స్ పోటీళూ, ముగ్గుల పోటీలు, బంతి భోజనాలు-‘గివింగ్ బాక్’ ఇనిషిఎటివ్, అన్ని కార్యక్రమాలకు అందరు చక్కటి సహకారాం అందించారు.

తమ కార్యవర్గం టీ.ఏ.జీ.బి (TAGB) చరిత్రలో అందమైన ఒక పేజీ ని శాస్వతంగా సొంతం చేసుకుందని, సభ్యులని అలరించే-అందుబాటులో వుండే- అవసరమైన కార్యక్రమాలను చేస్తే కార్యక్రమం ఏదైనా అందరు పాల్గొని దానిని విజయవంతం చేస్తారు అని సంక్రాంతి సంబరాలకి విచ్చేసిన 1200 ఆహుతులు- విజయవంతమైన ఈ సంవత్సరపు కార్యక్రమాలే తర్కాణాం అని దీప్తీ గోరా అన్నారు.

“ఫరెవెర్ వాలంటీర్స్” శ్రీ అనిల్ పొట్లూరి, శ్రీ శ్రీనివాస్ కాకి, శ్రీ కోటేశ్వరరావు కందుకూరి లను సత్కరించి ప్రెసిడెంట్ దీప్తీ గోరా, ప్రెసిడెంట్ ఎలెక్ట్ శ్రీనివాస్ గొంది, కార్యదర్శి శ్రీకాంత్ గొమట్టం, కొశాధికారి దీప్తి కొరిపల్లి, కల్చరల్ సెక్రటరి జగదీష్ చిన్నం, బోర్డ్ ఆఫ్ ట్రస్టిస్ (Board of Trustees) ధన్యవాదాలు తెలిపారు. నలభై యేళ్ళ ప్రయాణాన్ని దిగ్విజయంగా పూర్తి చేసుకొన్న మన తెలుగు సంఘం మరెన్నో పుట్టిన రోజులు ఇలాగే మన తరంతో – మన భావితరాలతో కూడా జరుపుకొవాలని అంటే ఇటువంటి లీడర్స్ మెండుగా కావాలని అన్నారు. శ్రీ సురేష్ దగ్గుబాటి మరియు శ్రీ సురేందర్ మాదాడీ లను ప్రత్యేక ప్రశంసా పత్రంతో సత్కరించారు.

బోర్డ్ ఆఫ్ ట్రస్టిస్ ఛైర్ శ్రీ కృష్ణాముర్తి మాజేటి (Krishna Murthy Majeti) సారధ్యంలో ట్రస్టిస్ మరియు ప్రెసిడెంట్ శ్రీమతి దీప్తీ గోరా సారధ్యంలో కార్య నిరవాహక వర్గం కలిసికట్టుగా పనిచేసిన తీరు పలు ప్రశంసలని అందుకుంది. బోర్డ్ ఆఫ్ ట్రస్టిస్ ఛైర్ శ్రీ కృష్ణాముర్తి మాజేటి మాట్లాడుతూ శ్రీమతి దీప్తీ గోరా నిస్వార్ధ నిరతితో, తెలుగు భాషాభిమానంతో నిర్వహించిన పలు వినూత్న కార్యక్రమాలని ప్రశంసించారు.

ప్రెసిడెంట్ శ్రీమతి దీప్తీ గోరా మాట్లాడుతు… ప్రెసిడెంట్ ఎలెక్ట్ శ్రీనివాస్ గొంది (Srinivas Gondi), కార్యదర్శి శ్రీకాంత్ గొమట్టం, కొశాధికారి దీప్తి కొరిపల్లి, కల్చరల్ సెక్రటరి జగదీష్ చిన్నం, బోర్డ్ ఆఫ్ ట్రస్టిస్, వాలంటీర్ల సహకారంతోనే ఇదంతా సాధ్యపడిందని అన్నారు. మా కార్యవర్గం ధ్యేయం సంస్థని సాంస్కృతికంగా, ఆర్ధికంగా బలోపేతం చేయడం మరియు సభ్యులకి సంస్థని మరింత చేరువ చేయడం. అదే ధ్యేయంగా ఈ కార్యవర్గం పాటూపడిందని, ఈ ఆలోచనలు అన్ని కార్యరూపం దాల్చడనికి అహర్నిశలు సహకరించి అందరికి ప్రత్యేకంగా కొశాధికారి దీప్తి కొరిపల్లికి ధన్యవాదాలు తెలిపారు.

స్పాన్సర్లు మరియు దాతలకు, ఈ సంవత్సరం ప్రధాన స్పాన్సర్లు S4 మీడియా మరియు క్లాసిక్ ఈవెంట్ లకు ధన్యవాదాలు తెలిపారు. టి.ఏ.జీ.బి (Telugu Association of Greater Boston) సంక్రాంతి సంబరాలకి పూల ద్వారం ఆహుతులకి ఆహ్వానం పలికింది. శ్రీమతి శ్రీలక్ష్మీ చీలమకూరి సోభాయమానంగా బొమ్మలకొలువు తీర్చిదిద్దారు. క్లాసిక్ ఈవెంట్ ఏర్పాటు చేసిన ఫోటో బూత్ ప్రత్యేక ఆకర్షణగా నిలించింది.

ఎన్నో అంగడులు, పిల్లల సందళ్ళతో సాంస్కృతిక కార్యక్రమం ఒకటిన్నరకి భోగిపళ్ళాతో మొదలైయ్యి నిరాఘాటంగా నృత్యాలు, పాటలు, వాద్య ప్రదర్శన తదితర వైవిధ్యభరితమైన కార్యక్రమాలతో అందరిని ఉర్రూతలూగించింది. గ్రాండ్ ఫినాలే శ్రీ కూచిపూడి నాట్యాలయా వారి కల్యాణ శ్రీనివాసం కూచిపూడి నృత్యరూపకం శ్రీమతి శైలజ తుమ్మల నేత్రుత్వంలో అద్భుతః అని ఆహుతలను అలరించింది.

టి.ఏ.జీ.బి (Telugu Association of Greater Boston) ప్రత్యేకంగా వ్యయప్రయాసలతో ఏర్పాటూ చేసిన ఎల్.ఈ.డి స్క్రీన్ కైలాస-వైకుంఠ సత్యలోకాలనే కాదు, పిల్లల సరదాలకి- ఛెంగు ఛెంగు మని నాట్యం చేసిన కళాకారులందరికి చక్కని “బ్యగ్రౌండ్” అందించింది. ఎంతో శ్రమకూర్చి ఈ సమీకరణాన్ని అందించిన శ్రీ చంద్రా వల్లురిపల్లి గారికి ప్రత్యేక ధన్యవాదాలు.

ఆ నాటి ప్రత్యేక ఆకర్షణా శ్రీమతి సుమంగళి (Singer Sumangali) మరియు చిరంజీవి తరుణ్ దోనిపాటి (Tarun Donipati) సంగీత విభావరి ఆహుతులని ఉర్రూతలూగించింది. శ్రీమతి సుమంగళి బోస్టన్ పరిసరప్రాంతాలలో ప్రదర్శన నివ్వడం ఇదే ప్రధమం. సంగీతవిభావరి శ్రోతలను మంత్రముగ్ధుల్ని చేసింది అంటే అతిసయోక్తి కాదు. చక్కని మెలోడీలు, ఆపాతమధురాలు, పెప్పీ పాటలు నవరసాలు మేళవించిన పాటాలతో ఆ కార్యక్రమం అందరికి ఒక చక్కని జ్ఙాపకంలా నిలిచిపోతుంది.

2025-26 గవర్నింగ్ బోర్డ్ ప్రెసిడెంట్ శ్రీనివాస్ గొంది, ప్రెసిడెంట్ ఎలెక్ట్ సుధ ముల్పుర్, కార్యదర్శి దీప్తి కొరిపల్లి, కొశాధికారి జగదీష్ చిన్నం, కల్చరల్ సెక్రటరి సూర్యా తెలప్రోలు.  బోర్డ్ ఆఫ్ ట్రస్టిస్ ఛైర్ రవి అంకినీడు చౌదరి, మెంబర్లు: శేషగిరి రెడ్డి, పద్మావతి భిమ్మన, కాళీదాస్ సురపనేని మరియు ఎక్స్ అఫిసియొ దీప్తీ గోరా లకు అభినందనలు.

ప్రాంగణాన్ని పండుగ వాతావరణంతో, సంప్రదాయం-అధునికత: పూల ద్వారం -ఎల్.ఈ.డి స్క్రీన్ డిస్ప్లే లతో మేళవించి చేసిన అలకరణలు చాల చక్కగా వున్నాయని ఆహుతులు ఆనందం వ్యక్తం చేసారు, ఈ ఏర్పాటు క్లాసిక్ ఈవెంట్ వారు చేసారు. టి.ఏ,జీ.బీ (Telugu Association of Greater Boston) వాలంటీర్ల సహకారంతో ఎంతో విజయవంతంగా ఈ కర్యక్రమాన్ని నిర్వహించింది. ఆ నాటి సాయంత్రం అందరికి ఒక చక్కని అనుభూతిగా మిగిలి పోతుందిఅనుభూతిగా మిగిలి పోతుంది.