TFAS దీపావళి సంబరాలు నవంబర్ 23న, చరణ్ పాకాల లైవ్ కాన్సర్ట్ @ New Jersey

నవంబర్ 23న అమెరికాలోని న్యూ జెర్సీ (New Jersey) లో 40 సంవత్సరాలుగా తెలుగు వారికి సేవలందిస్తూ అభిమానాన్నిచూరగొన్న ప్రముఖ సంస్థ తెలుగు కళా సమితి TFAS – Telugu Fine Arts Society వారు దీపావళి సంబరాలు నవంబర్ 23న ఘనంగా నిర్వహించనున్నట్లు అధ్యక్షులు మధు అన్నా తెలిపారు. తెలుగువారి సంస్కృతి, సాంప్రదాయాల కొనసాగింపుగా తెలుగు కళా సమితి ఈ వేడుకలు నిర్వహించనున్నట్లు ఆయన అన్నారు.

ఈ కార్యక్రమాల ద్వారా మానవ సంబంధాలు పెంపొందడమే కాక మానసిక ఒత్తిడిని తగ్గిస్తాయని మధు తెలిపారు. మధ్యాహ్నం మూడు నుంచి రాత్రి పది గంటల వరకు వివిధ సాంస్కృతిక, ఆధ్యాత్మిక కార్యక్రమాలు, మ్యూజికల్ నైట్ (Musical Night), ఫ్యాషన్ షో, సామెతల వేట – మెదడుకు మేత పేరుతో సాహిత్య పోటీ తదితర కార్యక్రమాలు జరగనున్నాయి. శ్రీ మన్నవ సుబ్బారావు, ఉపేంద్ర చివుకుల, ప్రముఖ ఆధ్యాత్మికవేత్త శంకరమంచి రఘుశర్మ ముఖ్య అతిథులుగా పాల్గొననున్నారు.

ప్రముఖ కమెడియన్ శివారెడ్డి (Actor & Mimicry Artist Siva Reddy) మిమిక్రీ ప్రదర్శన తో పాటు సింగర్లు భరద్వాజ్, దివిక, యామిని ఘంటసాల New Jersey లో ఆహుతుల్ని అలరించనున్నారు. సంగీత దర్శకుడు చరణ్ పాకాల (Sricharan Pakala) లైవ్ ప్రోగ్రాం ప్రేక్షకుల్ని ఆకట్టుకోనుంది. టాలీవుడ్ (Tollywood) హీరోయిన్స్ తదితర సెలబ్రిటీలు సందడి చేయనున్నారు.