వైద్యం ఖరీదుగా మారిన Missouri లో నాట్స్ ఉచిత వైద్య శిబిరం

St. Louis, Missouri: అమెరికాలో తెలుగువారి కోసం అనేక సేవా కార్యక్రమాలు నిర్వహించే ఉత్తర అమెరికా తెలుగు సంఘం నాట్స్ (North America Telugu Society – NATS) తాజాగా మిస్సోరీలో బాల్‌విన్‌ (Ballwin) లో ఉచిత వైద్య శిబిరాన్ని నిర్వహించింది. వైద్యం ఖరీదుగా మారిన అమెరికాలో NATS ఇలా తెలుగువారికి సేవలు అందించడానికి ఉచిత వైద్య శిబిరాలు (Free Medical Camps) నిర్వహించడాన్ని ఓ సంప్రదాయంలా కొనసాగిస్తోంది.

ఈ క్రమంలోనే బాల్‌విన్‌ (Ballwin) లోని మహాత్మగాంధీ సెంటర్‌ (Mahatma Gandhi Center) లో ఏర్పాటు చేసిన ఉచిత వైద్య శిబిరాన్ని స్థానికంగా ఉండే తెలుగు వారు సద్వినియోగం చేసుకున్నారు. NATS సలహా బోర్డు సభ్యులు డాక్టర్ సుధీర్ అట్లూరి (Dr. Sudheer Atluri) ఈ శిబిరానికి వచ్చిన రోగులను పరీక్షించి తగు మందులు, వైద్య సూచనలు చేశారు.

ఈ ఉచిత వైద్య శిబిర నిర్వహణలో నాట్స్ మాజీ అధ్యక్షులు, నాట్స్ బోర్డ్ డైరెక్టర్ శ్రీనివాస్ మంచికలపూడి (Srinivas Manchikalapudi), నాట్స్ బోర్డ్ డైరెక్టర్  రమేశ్‌ బెల్లం (Ramesh Bellam), నాట్స్ మిస్సోరీ చాప్టర్ కో ఆర్డినేటర్ సుదీప్ కొల్లిపర్ల, నాట్స్ మిస్సోరీ చాప్టర్ జాయింట్ కో ఆర్డినేటర్ అన్వేష్ చాపరాల ఈ ఉచిత వైద్య శిబిరం నిర్వహణలో కీలక పాత్ర పోషించారు..

తెలుగువారి కోసం ఇంత చక్కటి కార్యక్రమాన్ని నిర్వహించిన మిస్సోరీ చాప్టర్ (NATS Missouri Chapter) నాయకులను నాట్స్ చైర్మన్ ప్రశాంత్ పిన్నమనేని (Prasanth Pinnamaneni), నాట్స్ అధ్యక్షుడు మదన్ పాములపాటి (Madan Pamulapati) ప్రత్యేకంగా అభినందించారు.