‘ము’ అంటూ ఇంకో కోవిడ్ వేరియంట్

కోవిడ్ వైరస్ లో ఇప్పటి వరకు డెల్టా, ఆల్ఫా, గామా వేరియంట్స్ గురించి విన్నాం. ఇప్పుడు కొత్తగా ము అంటూ ఇంకో వేరియంట్ ని గమనిస్తున్నట్లు ప్రపంచ ఆరోగ్య సంస్థ (డబ్ల్యూ.హెచ్.ఓ) వెల్లడించింది. కొలంబియాలో మొట్టమొదటిగా గుర్తించిన ఈ ము వేరియంట్ ఇప్పుడు 39 దేశాలలో గుర్తించబడినట్లు తెలుస్తుంది. మొత్తంగా ఈ కొవిడ్ కేసులు 0.1% కంటే తక్కువే ఉన్నప్పటికీ కొలంబియా, ఈక్వడార్ దేశాల్లో రోజు రోజుకీ కేసులు పెరుగుతున్నట్లు ప్రపంచ ఆరోగ్య సంస్థ హెచ్చరించింది. ఆగష్టు 30 2021 న డబ్ల్యూ.హెచ్.ఓ తన వేరియంట్స్ జాబితాలో ఈ ము వేరియంట్ ని కూడా చేర్చినట్లు తెలిపింది. ము వేరియంట్ తోపాటు పెరూ దేశంలో మొట్టమొదటగా గుర్తించిన లాంబ్డా వేరియంట్ ని కూడా జాగ్రత్తగా గమనిస్తున్నట్లు ప్రపంచ ఆరోగ్య సంస్థ వెల్లడించింది.