WETA @ San Ramon, California: తెలంగాణ వైభవాన్ని చాటుతూ సద్దుల బతుకమ్మ వేడుకలు

San Ramon, California: తెలంగాణ సంస్కృతి, సంప్రదాయాలకు ప్రతీకైన సద్దుల బతుకమ్మ వేడుకలను ఉమెన్ ఎంపవర్‌మెంట్ తెలుగు అసోసియేషన్ (WETA) ఆధ్వర్యంలో అమెరికాలోని సాన్ రామన్‌లో అక్టోబర్ 17, 2026న ఘనంగా నిర్వహించారు.

విదేశాల్లో నివసిస్తున్న తెలుగువారిని ఒక్కచోట చేర్చి, తెలంగాణ సంస్కృతి, సంప్రదాయాలను చాటిచెప్పేలా ఈ వేడుకలను ఎంతో ఉత్సాహంగా జరుపుకున్నారు. WETA వ్యవస్థాపకురాలు జాన్సీ రెడ్డి (Jhansi Reddy Hanumandla) ఆధ్వర్యంలో నిర్వహించిన ఈ వేడుకలు తెలంగాణ మహిళల ఐక్యతకు (Women Unity), సంస్కృతి పరిరక్షణకు వేదికగా నిలిచాయి.

విదేశాల్లో నివసిస్తున్న తెలుగు మహిళలను ఒక వేదికపైకి తీసుకువస్తూ, తెలంగాణ సంప్రదాయాలను భావితరాలకు (Future Generations) పరిచయం చేయాలనే లక్ష్యంతో WETA చేస్తున్న కృషి ఈ బతుకమ్మ వేడుకల్లో ప్రతిబింబించింది.

ఈ కార్యక్రమానికి తెలంగాణ నుంచి ముఖ్య అతిథిగా కోదాడ ఎమ్మెల్యే ఉత్తమ్ పద్మావతి రెడ్డి (Nalamada Padmavathi Reddy) హాజరయ్యారు. మహిళలు సంప్రదాయ దుస్తుల్లో పాల్గొని, రంగురంగుల పూలతో బతుకమ్మలను అందంగా అలంకరించి, బతుకమ్మ పాటలు పాడుతూ వేడుకలను వైభవం (Grandeur) గా నిర్వహించారు.

సాన్ రామన్‌ (San Ramon) లోని విండ్‌మియర్ రాంచ్ మిడిల్ స్కూల్‌లో మధ్యాహ్నం 3 గంటల నుంచి సాయంత్రం 7 గంటల వరకు ఈ వేడుకలు కొనసాగాయి. తెలంగాణ సంస్కృతి, సంప్రదాయాలను అమెరికాలోనూ సజీవంగా ఉంచుతూ, భావితరాలకు వాటి ప్రాధాన్యతను తెలియజేయడంలో WETA తన వంతు కృషి చేసింది.

ఉమెన్ ఎంపవర్‌మెంట్ తెలుగు అసోసియేషన్ (WETA) ఆధ్వర్యంలో జాన్సీ రెడ్డి నాయకత్వంలో నిర్వహించిన ఈ సద్దుల బతుకమ్మ వేడుకలు తెలుగు మహిళల్లో ఆనందోత్సాహాలను నింపాయి.