ఉత్సహాన్ని పెంపొందించిన దేశీ డాన్స్ వర్కవుట్ జుంబా కార్యక్రమం @ Huntersville, North Carolina

ఉత్తర అమెరికా తెలుగు సంఘం (Telugu Association of North America – TANA) అప్పలాచియన్ రీజియన్ ఆధ్వర్యంలో మహిళల ఆరోగ్యం, ఉత్సాహాన్ని పెంపొందించేందుకు ప్రత్యేకంగా ‘దేశీ డాన్స్ వర్కవుట్’ జుంబా కార్యక్రమాన్ని నిర్వహించారు.

సెప్టెంబర్ 12, శనివారం ఉదయం 8:00 గంటల నుండి 11:00 గంటల వరకు నార్త్ కరోలినాలోని హంటర్స్‌విల్లే (Huntersville, North Carolina) వెటరన్స్ పార్క్ (Veterans Park) లో జరిగిన ఈ ‘దేశీ డాన్స్ వర్కవుట్’ (Desi Dance Workout) జుంబా కార్యక్రమానికి దాదాపు 250 మందికిపైగా మహిళలు హాజరయ్యారు.

ప్రముఖ జుంబా ఇన్‌స్ట్రక్టర్ మౌనిక కావలి వచ్చినవారికి శిక్షణ ఇచ్చారు. కార్యక్రమానికి సౌమ్యశ్రీ తలంకి వ్యాఖ్యాతగా (Anchor) వ్యవహరించారు. హాజరైన మహిళలందరికీ (Women) అమోఘం ఇండియన్ రెస్టారెంట్’ (Amogham Indian Cuisine) వారి సౌజన్యంతో ఉచిత అల్పాహారం అందించారు.

తానా (TANA) హెల్త్ సర్వీసెస్ కో ఆర్డినేటర్ మాధురి ఏలూరి (Madhuri Yeluri) ఆధ్వర్యంలో ఈ కార్యక్రమం జరిగింది. ఈ కార్యక్రమాన్ని విజయవంతం చేసిన అందరినీ తానా అధ్యక్షుడు డా. నరేన్ కొడాలి (Naren Kodali), ఈవిపి శ్రీనివాస్ లావు (Srinivas Lavu) అభినందించారు.

తానా (TANA) అప్పలాచియన్ రీజినల్ రిప్రజెంటేటివ్ రవి (నాని) వడ్లమూడి, స్పెషల్ ప్రాజెక్ట్స్ కోఆర్డినేటర్ నాగ పంచుమర్తి, టీమ్ స్క్వేర్ (TANA Team Square) చైర్ కిరణ్ కొత్తపల్లి, ఫౌండేషన్ ట్రస్టీ ఠాగూర్ మల్లినేని తో పాటు జ్యోత్స్న గంటా, పద్మజ కొమ్మినేని తదితరులు ఈ కార్యక్రమం విజయవంతానికి కృషి చేశారు.