జన సైన్యంలో జన సేనాని పుట్టినరోజు వేడుకలు @ Atlanta, Georgia

ఆంధ్రప్రదేశ్ ఉప ముఖ్యమంత్రి వర్యులు గౌరవ శ్రీ పవన్ కళ్యాణ్ గారు పుట్టినరోజు వేడుకలు అట్లాంటా (Atlanta, Georgia) లో సెప్టెంబర్ 2వ తేది, సోమవారం రోజున జనసేన క్రియాశీలక కార్యకర్తలు, సానుభూతిపరులు, అభిమానుల నడుమ చిచ్చాస్ రెస్టారెంట్లో (Chichas Indian Cafe) ఘనంగా నిర్వహించారు.

దశాబ్ధకాలం పాటు జనసేనాని (Pawan Kalyan Konidela) జనం కోసం శ్రమిస్తుంటే, జనసేనాని పుట్టినరోజు నాడు ఆంధ్రప్రదేశ్ లోని కొవ్వూరు నియోజకవర్గంలోని తాళ్ళపళ్ళి మండలం మరియు తణుకు నియోజకవర్గంలో పర్యావరణ పరిరక్షణ కోసం మొక్కల్ని నాటాలన్న సంకల్పానికి శ్రీకారం చుట్టారు.

టీం అట్లాంట జనసేన (Team Atlanta Janasena) ఆధ్వర్యంలో హరితాంద్ర దిశగా జనసేనాని పుట్టినరోజు వేడుకలు నిర్వహించారు. 3400 వేప, మద్ది, కొబ్బరి, మమిడి, జామ, సపోట, నిమ్మ వంటి దేశీయ మొక్కల పంపిణీ టీం అట్లాంట జనసైనికులు శ్రీ మహరాణ యడవళ్ళి (Maha Rana Yadavalli) గారు ఆర్ధిక సహకారంతో పంపిణీ చెయ్యడం జరిగింది.

జనసేనాని జన్మదిన వేడుకల విషయానికి వస్తే, సెప్టంబర్ 2వ తేది సాయింత్రం అట్లాంటా (Atlanta) జనసైనికులు స్థానిక చిచ్చాస్ రెస్టారెంట్లో (Chichas Indian Cafe) విరివిగా పాల్గొన్నారు. ఈ సంధర్బంగా అందరూ మాట్లాడుతూ ఆంద్రప్రదేశ్ అభివృద్ది పధంలో సాగాలంటే శ్రీ పవన్ కళ్యాణ్ గారు నిండు నూరేళ్ళు ఆయు ఆర్యోగాలతో ఉండాలని ఆశ్వీదరించారు.

టీం అట్లాంటా జనసేన నాయకులు మరియు పవన్ కళ్యాణ్ ఫ్యాన్స్ సురేష్ కరోతు, నరేష్ శ్రీరామ, సురేష్ బండారు, సురేష్ ధూళిపూడి, మహరాణ యడవళ్ళి తదితరులు మాట్లాడుతూ… కూటమి (National Democratic Alliance – NDA) కూర్పుకర్తగా తను తగ్గి రాష్ట శ్రేయస్సు కోసం నెగ్గడంలో కీలకపాత్ర పోషించిన శ్రీ పవన్ కళ్యాణ్ గారు రాష్ట అభివృద్ది కోసం అహర్నిశలు పాటుపడుతున్నారని కొనియాడారు.

అంతేకాకుండా పవన్ కళ్యాణ్ (Pawan Kalyan Konidela) గారు భవిష్యత్తులో మరిన్ని ఉన్నత శిఖరాలు అందుకోవాలని అందరూ ఆకాంక్షించారు. ఈ సందర్భంగా NRI2NRI.COM నుంచి మిడియా సహకారం అందిస్తున్న శ్రీ వెంకి గద్దె గారికి ధన్యవాదాలు తెలియజేశారు.

చిచ్చాస్ రెస్టారెంట్ (Chichas Indian Cafe) యాజమాన్యం శ్రీ రాజేష్ నాయుడు కటిక గారు మరియు అమర్ గారు ముందుకువచ్చి శలవు దినం కూడా జనసేనాని (Jana Sena Party Chief) పుట్టినరోజు వేడుకలకు ఆతిద్యం ఇవ్వడమే కాకుండా, అథిధులకు చక్కటి తేనిటి విందు, అల్పాహారం సమకూర్చారు.

జనసేన మరియు పవన్ కళ్యాణ్ (Pawan Kalyan Konidela) పాటలతో అట్లాంటా జానపద గాయకులు శ్రీ జనార్దన్ పన్నెల (Janardhan Pannela) గారు చక్కటి సందేశం ఇచ్చే పాటలు పాడి శ్రోతలను అలరించారు. తను స్వయంగా రాసి పాడిన పాట అందరినీ ఆకట్టుకుంది.

జనసేన పార్టీ (Jana Sena Party) సేనాని వెన్నంటి నిలిచే టీం అట్లాంటా జనసేన క్రియాశీలక కార్యకర్తల నడుమ ఎంతో వేడుకగా జరిగిన ఈ కార్యక్రమానికి విచ్చేసిన అథిదులకు, విరాళాలు ఇచ్చిన దాతలకు తాజ్ (Team Atlanta Janasena) గ్రూప్ వారు అభినందనలు తెలియజేసారు.