Qatar జాతీయ దినోత్సవ వేడుకల్లో క్రికెట్ టోర్నమెంట్: Cric Qatar

ఖతార్ జాతీయ దినోత్సవ వేడుకల్లో భాగంగా ఖతార్ (Qatar) లోని ప్రధాన క్రికెట్ సంస్థ అయిన CRIC QATAR, భారతదేశం (India), శ్రీలంక, పాకిస్తాన్ మరియు బంగ్లాదేశ్ జట్లతో అద్భుతమైన క్రికెట్ టోర్నమెంట్ ను నిర్వహించింది. సెరాండిబ్ క్రికెట్ క్లబ్, సీ బర్డ్స్ క్రికెట్ టీం మధ్య జరిగిన ఈ టోర్నమెంట్ గ్రాండ్ ఫినాలే క్రికెట్ ప్రియులను కట్టిపడేసింది.

ఈ క్రికెట్ (Cricket) మ్యాచ్లో తొలుత బ్యాటింగ్ చేసిన సెరాండిబ్ క్రికెట్ క్లబ్ 8 ఓవర్లలో 5 వికెట్ల నష్టానికి 108 పరుగులు చేసింది. లక్ష్య ఛేదనలో సీ బర్డ్స్ క్రికెట్ జట్టు వీరోచితంగా పోరాడినా 8 ఓవర్లలో 6 వికెట్ల నష్టానికి 96 పరుగులు చేయగలిగింది.

ఈ సందర్భంగా CRIC QATAR వ్యవస్థాపకుడు, అధ్యక్షుడు సయ్యద్ రఫీ (Syed Rafi) మాట్లాడుతూ టోర్నమెంట్ విజయవంతం కావడానికి కృషి చేసిన ఆర్గనైజింగ్ కమిటీకి కృతజ్ఞతలు తెలిపారు. ఫైనల్ మ్యాచ్ లో పాల్గొనే జట్ల ప్రతిభను, పోటీ స్ఫూర్తిని ప్రదర్శించి ఖతార్ జాతీయ దినోత్సవ వేడుకల్లో ఉత్సాహాన్ని నింపింది.

సన్మాన కార్యక్రమానికి దోహాలోని ప్రముఖ తెలుగు సంఘం (Telugu Association) నాయకుడు గౌరవనీయులు కె.ఎస్.ప్రసాద్ తో సహా జై ప్రకాశ్ సింగ్, సెంట్రల్ ఇండియన్ అసోసియేషన్ (Central Indian Association) అధ్యక్షుడు మరియు శ్రీమతి రీనా డానావో హాజరయ్యారు.

ముకర్రం, మహ్మద్ ఇర్ఫాన్, మహ్మద్ అతిఫ్, తన్వీర్, ఉమైర్, అసిమ్, మొత్తం ఆర్గనైజింగ్ టీం అంకితభావం, కృషిని ఆయన ప్రత్యేకంగా కొనియాడారు. ఈ క్రికెట్ (Cricket) మ్యాచ్ లో పాల్గొంటున్న అన్ని జట్లకు సయ్యద్ రఫీ హృదయపూర్వక కృతజ్ఞతలు తెలిపారు.