సందడిగా గ్లోబల్ లీడర్ చంద్రబాబు 75వ పుట్టినరోజు వేడుకలు @ Charlotte, North Carolina

తెలుగుదేశం పార్టీ జాతీయ అధ్యక్షుడు, ఆంధ్రప్రదేశ్‌ (Andhra Pradesh) ముఖ్యమంత్రి నారా చంద్రబాబు నాయుడు (Nara Chandrababu Naidu) 75వ జన్మదిన వేడుకలను ఛార్లెట్‌ (Charlotte, North Carolina) లోని టిడిపి నాయకులు, కార్యకర్తలు, అభిమానులు సందడిగా జరుపుకున్నారు.

ఛార్లెట్‌లోని కంఫర్ట్ ఇన్ సూట్స్ లో జరిగిన ఈ వేడుకలకు భారీ సంఖ్యలో టిడిపి నాయకులు, ఎన్నారైలు హాజరయ్యారు. నభూతో నభవిష్యతి అన్న రీతిలో జరిపారు. ఎన్నారై టీడీపీ (NRI TDP Charlotte) నాయకులతో కలిసి పిల్లలు, మహిళలు చంద్రబాబు పుట్టినరోజు కేక్‌ కట్‌ చేశారు.

ఈ సందర్భంగా గుడివాడ (Gudivada) శాసనసభ్యులు, ఎన్నారై రాము వెనిగండ్ల (Ramu Venigandla) మాట్లాడుతూ.. ముఖ్యమంత్రి చంద్రబాబు నాయుడు 75 ఏళ్ళు వచ్చినప్పటికీ నేటికీ 18 గంటలకు పైగా పనిచేస్తున్నారని ఎల్లప్పుడూ ప్రజల సంక్షేమం కోసం కృషి చేసే విజనరీ ఉన్న నాయకుడని కొనియాడారు.

చాలామంది 60 ఏళ్లు వచ్చిన తరువాత రిటైర్మెంట్‌ అయ్యామంటూ పనుల నుంచి విశ్రాంతి తీసుకుంటారని, కాని చంద్రబాబు నాయుడు (Nara Chandrababu Naidu) 75 ఏళ్ళు వచ్చినప్పటికీ ప్రజలకోసం పనిచేయడం తనకు ఇష్టమని అంటూ ఆంధ్రప్రదేశ్‌ (Andhra Pradesh) అభివృద్ధికోసం నిరంతరం తపిస్తూ ఉన్నారని అన్నారు. ఈ వేడుకల్లో పాల్గొన్న ఛార్లెట్‌ టిడిపి నాయకులు కూడా చంద్రబాబు చేస్తున్న సేవలను ప్రశంసిస్తూ మాట్లాడారు.

ఈ కార్యక్రమాన్ని ఎన్నారై టీడీపీ ఛార్లెట్ (NRI TDP Charlotte) స్థానిక నాయకులు నాగ పంచుమర్తి, ఠాగూర్ మల్లినేని, సతీష్ నాగభైరవ, బాలాజి తాతినేని మరియు ఇతర ఎన్నారై టీడీపీ కార్యవర్గ సభ్యులు సమన్వయపరచారు. చివరన ఈ కార్యక్రమాన్ని విజయంతం చేసిన వారందరికీ నిర్వాహకులు ధన్యవాదాలు తెలిపారు.