TANA @ Austin, Texas: పిల్లల తెలుగు భాషా సంభాషణలతో పాఠశాల 6వ వార్షికోత్సవ వేడుకలు విజయవంతం

అంగరంగ వైభవంగా ఆస్టిన్ (Austin, Texas) పాఠశాల ఆరవ వార్షికోత్సవాన్ని జరుపుకుంది. తానా పాఠశాల విద్యార్థులు కలిసి బాల రామాయణం నాటకం ప్రదర్శించారు. పిల్లల ప్రత్యక్ష తెలుగు భాషా సంభాషణలతో రామాయణ పాత్రలను చేయడం ఈ కార్యక్రమం యొక్క మరో ప్రత్యేకత.

తానా పాఠశాల (TANA Patasala) పిల్లలు చేసిన అద్భుతమైన నటనకు అందరూ మంత్రముగ్ధులయ్యారు. గౌరవ అతిథిగా సిటి మేయర్ (Mayor) జిమ్ గారు విచ్చేసి, పిల్లలను మరియు ఉపాధ్యాయులను అభినందించారు.

ఈ సందర్భంగా విశ్వ గురుకులం అంకురం పాఠ్యపుస్తకాన్ని వ్యవస్థాపక సభ్యుడు రామ్ మారం గారు విడుదల చేసి, తానా పాఠశాల (TANA Patasala) మరియు విశ్వ గురుకులం విద్యార్థులకు (Students) ధ్రువీకరణ పత్రాలు అందజేశారు.

పాఠశాల పూర్వ విద్యార్థులైన నిహారిక భమిడిపాటి మరియు రితిక గంగబత్తిన వ్యాఖ్యాతలుగా వ్యవహరించారు. అలాగే పూర్వ విద్యార్థులైన ద్విజేష్ గొంట్ల మరియు సమయ సిద్ధాంత పొట్లచెరువు ఈ సంవత్సరం విద్యార్థులకు బోధించడం అభినందనీయం.

పాఠశాల కో-చైర్ రజని మారం (Rajani Maram) గారు మరియు ఉపాధ్యాయులు అనూష చిట్టూరి, ప్రతూష అట్లూరి, శ్వేత వెలగలేటి, రాజేష్ గంగబత్తిన, శ్రీదేవి కోట, మృదుల కొనంకి, వాసవి కల్వ మరియు విశ్వ గురుకులం ఉపాధ్యాయులు వంశీ భరద్వాజ్ గారిని తానా చైర్మన్ నాగేంద్ర శ్రీనివాస్ కొడాలి (Dr. Nagendra Srinivas Kodali) గారు మరియు తానా ప్రెసిడెంట్ నరేన్ కొడాలి (Naren Kodali) గారు అభినందించారు.

తానా (Telugu Association of North America – TANA) నాయకులు శ్రీనివాస్ లావు (Srinivas Lavu) గారు, శ్రీనివాస్ ఒరుగంటి గారు, రాజా కసుకుర్తి (Raja Kasukurthi) గారు, ఠాగూర్ మల్లినేని గారుకు ప్రత్యేక ధన్యవాదాలు తెలియజేశారు.