Washington D.C.: తానా పాఠశాల వేదికగా జాతిపిత గాంధీ, శాస్త్రి ఆదర్శాలను స్మరించిన ప్రవాసులు

Washington D.C.: అమెరికా రాజధాని పరిధిలో అక్టోబర్ 2, భారతదేశ జాతిపిత మహాత్మా గాంధీ (Mahatma Gandhi) మరియు భారతరత్న, మాజీ ప్రధాని లాల్ బహదూర్ శాస్త్రి (Lal Bahadur Shastri) గార్ల జన్మదినం సందర్భంగా తానా (TANA) పాఠశాల వేదికగా ప్రవాస భారతీయులు, పెద్దలు వారి చిత్రపటాలకు పూలతో ఘన నివాళి అర్పించారు.

శతాబ్దాల బానిస సంకెళ్లు తెంచి స్వేచ్ఛ, స్వాతంత్య్రం, సమానత్వం తో పాటు జన జాగృతికై, జాతి చైతన్యానికి జీవితాన్ని అంకితం చేసి అమరులైన మహాత్మునికి , మహనీయులకు ఘన నివాళి అర్పించటం మన భాద్యతగా ఏ దేశమేగినా యందు కాలిడినా, ప్రప్రధమంగా భారతీయులుగా మన మూలాలను గుర్తు చేసుకుంటూ, మన మాతృభాషను కాపాడుకోవటం మనందరి విధి అని సమన్వయ కర్త భానుప్రకాష్ మాగులూరి (Bhanu Maguluri) తెలిపారు.

మహాత్ముల గొప్పతనం వారి సాదాసీదా జీవనశైలిలో, దేశభక్తి (Patriotism) లో మరియు ఉన్నత విలువల్లో పాటించి చాటుకున్నారు. దశాబ్దాల పాటు సత్యం, అహింస సిద్దాంతం సదా ఆచరిస్తూ సామాజిక భాద్యత, నిరాడంబరతను నిరంతరం పాటిస్తూ జాతిని ఐక్యతతో ఏకతాటిపై నిలిపి, శాంతియుత పోరాటం చేస్తూ, ప్రపంచానికే అహింస సిద్దాంతాన్ని ప్రబోధించిన శాశ్వత ఘనత మహాత్మా గాంధీజీది అని పెద్దలందరూ గుర్తు చేసుకున్నారు.

భారతరత్న లాల్ బహదూర్ శాస్త్రి, ఈ తరమే కాదు తర తరాల నాయకులకు ఆదర్శంగా నిలిచారు. నిజాయితీ, అంకితభావం (Dedication), దేశ భక్తి, సమాజ హితం పునాదులుగా తన జీవిత చరమాంకం వరకూ పాటిస్తూ నిరాడంబరతకు నిలువెత్తు అద్దంలా నిలిచి చరిత్రలో నిలిచిపోయారని గుర్తు చేసుకుంటూ ప్రవాసులు నివాళి అర్పించారు.

వక్తలు మాట్లాడుతూ.. మన చరిత్ర, మహనీయుల గొప్పదనం, వారి ఆదర్శ జీవితం (Ideal Life).. కేవలం సందర్భానుసారం మాట్లల్లో కాక ఈ తరం యువత, చిన్నారులకు నిరంతరం గుర్తుచేస్తూ.. సమస్యలను అవకాశాలుగా మార్చుకోకుంటూ శ్రద్హ, సహనం పాటిస్తూ, సంఘ జీవనంలో సమైక్య సహోదర భావం చాటుకుంటూ వృత్తి, ఉపాధి రీత్యా ఏ దేశంలో ఉన్నా చట్టాలను గౌరవిస్తూ శాస్త్రీయ దృక్పధంతో ఉన్నత ఆదర్శాలను నిర్దేశించుకొని పట్టుదలతో జీవితంలో విజయం సాధించాలని పిలుపునిచ్చారు.

ఈ కార్యక్రమంలో ఎండూరు సీతారామారావు (Enduru Seetharama Rao), కొత్తూరు కామేశ్వరరావు (Kothuru Kameswara Rao), చిట్టెల సుబ్బారావు (Chittela Subbarao), రామ్మోహన్ రెడ్డి (Ramamohan Reddy), చింతా రాంబాబు (Chinta Rambabu), మైనేని రాధా కృష్ణ (Myneni Radha Krishna), మేకల రామిరెడ్డి (Mekala Ramireddy), జంపాల కృష్ణ మోహన్ (Jampala Krishna Mohan), చెరుకూరి ఇందుశేఖర్ (Cherukuri Indusekhar) పాల్గొన్నారు.

అలాగే, కట్టా అంకమ్మ (Katta Ankamamma), జిరబోయిన రాజేందర్ (Jiraboyina Rajender), అన్నం పూర్ణచంద్రరావు (Annam Purnachandra Rao), అల్లం లింగం (Allam Lingam), సత్యనారాయణ (Satyanarayana), శంకర్ రెడ్డి (Shankar Reddy), సురేష్ (Suresh), రమేష్ (Ramesh), బలరాం (Balaram), భాస్కరరావు (Bhaskara Rao), కృష్ణమూర్తి (Krishnamurthy), ప్రభాకర్ (Prabhakar) మరియు ఇతరులూ పాల్గొన్నారు.