Australia: మెల్బోర్న్ లో నాగబాబు అతిధిగా లిటిల్ హాండ్స్ చారిటీ డిన్నర్ విజయవంతం

ఆస్ట్రేలియా లోని మెల్బోర్న్ నగరంలో లిటిల్ హాండ్స్ ఆర్గనైజషన్ (LHO) అనే స్వచ్చంద సంస్థ వారు ‘చారిటీ డిన్నర్’ పేరిట నిర్వహించిన కార్యక్రమానికి ముఖ్య అతిధిగా మెగా బ్రదర్, నటుడు, నిర్మాత నాగబాబు (Konidela Nagendra Naga Babu) పాల్గొన్నారు.

ఈ సంస్థ రెండు తెలుగు రాష్ట్రాల తోపాటు ఆస్ట్రేలియా లోని మెల్బోర్న్ నగరం లో ఫండ్ రైజింగ్ కార్యక్రమాలు నిర్వహిస్తూ వస్తున్నారు. 2600 పైగా వాలంటీర్స్ కలిగి ఉన్న ఈ సంస్థ సమాజంలో యువత కు వివిధ రకాల అంశాలు పై సామాజిక అవగాహనా కల్పించడమే తమ ముఖ్య ఉద్దేశం అని అన్నారు.

ఈ సారి వచ్చిన ఫండ్ తో ఆర్తి ప్రాజెక్ట్ ద్వారా గర్ల్ చైల్డ్ ఎంపవర్మెంట్ అనే కాన్సెప్ట్ తో పనిచేస్తునట్టు సంస్థ ప్రతినిధులు తెలిపారు. ఈ ప్రాజెక్ట్ ని మెగా బ్రదర్ నాగబాబు సంస్థ 12 వ వార్షికోత్సవం సందర్బంగా మెల్బోర్న్ లో లాంచనం గా ప్రారంభింపజేశారు.

ఈ సందర్బంగా మాట్లాడిన నాగబాబు యువత ఇలాంటి కార్యక్రమాలు చేయడం పట్ల ఆనందం వ్యక్తం చేశారు. సమాజం పట్ల యువత బాధ్యతతో ఉంటూ సేవాకార్యక్రమాలలో పాల్గొనాలి అని పిలుపునిచ్చారు.

ఈ లిటిల్ హాండ్స్ ఆర్గనైజషన్ కార్యక్రమంలో పాల్గొని సహకరించిన ప్రతి ఒక్కరికి LHO సంస్థ ప్రతినిధులు ప్రత్యేక కృతజ్ఞతలు తెలిపారు.