అరి తెలుగు సినిమా విడుదలకు ముందే సంచలనం, అభిషేక్ బచ్చన్ హిందీలో రీమేక్!

‘అరి – మై నేమ్ ఈజ్ నోబడీ’ తెలుగు సినిమా విడుదలకు ముందే సంచలనాలు సృష్టిస్తుంది. వి. జయశంకర్ రచించి దర్శకత్వం వహించిన ఈ ఆంథలాజికల్ సినిమాను (Aanthological Movie) చికాగో సుపరిచితులు ఆర్.వి రెడ్డి సమర్పణలో శ్రీనివాస్ రామిరెడ్డి మరియు శేషు మారంరెడ్డి నిర్మించారు.

సాయికుమార్ (Saikumar), శుభలేఖ సుధాకర్, అనసూయ (Anasuya), శ్రీకాంత్ అయ్యంగార్, వైవా హర్ష వంటి ప్రముఖ నటులు ఈ సినిమాలో నటించారు. అనూప్ రూబెన్స్ సంగీత దర్శకులు. ప్రమోషన్ల దృష్ట్యా టైటిల్ ప్రకటన నుండి టీమ్ చాలా వినూత్న ఆలోచనలతో ముందుకు వచ్చింది.

ఫస్ట్ లుక్ పోస్టర్‌లలో రివీల్ చేసిన పాత్రలు సినిమా ప్రేక్షకులలో బలమైన బజ్‌ను సృష్టించాయి. ఈ చిత్రం నుండి ఇటీవల విడుదలైన ఒక అందమైన మెలోడియస్ ‘చిన్నారి కిట్టయ్య’ పాటకు ప్రేక్షకుల నుండి అపారమైన స్పందన వచ్చింది. ఇది అన్ని సోషల్ మీడియా ప్లాట్‌ఫారమ్‌లలో ట్రెండ్ అయ్యి అందరి దృష్టిని ఆకర్షించింది.

థియేట్రికల్ ట్రైలర్, విజువల్స్, బ్యాక్‌గ్రౌండ్ స్కోర్ నెక్ట్స్ లెవెల్‌లో ఉండటంతో సినిమాపై అంచనాలను ఆకాశానికి ఎత్తేసింది. క్రియేటివ్ డైరెక్టర్ వి. జయశంకర్ తన ప్రత్యేకమైన కాన్సెప్ట్‌లకు బాగా పేరు తెచ్చుకున్నారు. అతను ఇప్పటికే తన తొలి చిత్రం పేపర్‌బాయ్‌తో బ్లాక్‌బస్టర్‌ని సాధించాడు. ఇప్పుడు, తన రెండవ చిత్రం ‘అరి’ తో దర్శకుడిగా తనదైన ముద్ర వేయబోతున్నాడు. ఈసారి డబుల్ బ్లాక్‌బస్టర్ సాధించడానికి సిద్ధంగా ఉన్నాడు.

ఇదిలా ఉండగా ఇంకా సినిమా రిలీజ్ అవ్వకుండానే హిందీ భాషలో నిర్మించడానికి రీమేక్ హక్కులు అమ్ముడుపోయాయి. బాలీవుడ్ హీరో అభిషేక్ బచ్చన్ ఈ సినిమా కాన్సెప్ట్ ని బాగా ఇష్టపడినట్లు, హిందీలో తను నటించేందుకు జెండా ఊపినట్లు సమాచారం. హిందీలో కూడా వి. జయశంకర్ యే దర్శకత్వం వహించనున్నట్లు తెలిసింది. తెలుగులో ‘అరి – మై నేమ్ ఈజ్ నోబడీ’ వచ్చే ఆగస్టులో విడుదల అవనుంది.