Edison, New Jersey లో ఘనంగా ప్రధాని నరేంద్ర మోడి 76వ జన్మదిన వేడుకలు

అమెరికాలోని న్యూజెర్సీ (New Jersey) రాష్ట్రం ఎడిసన్ (Edison) నగరంలో ఓవర్సీస్ బీజేపీ (OFBJP USA) ఆధ్వర్యంలో భారత ప్రధాని నరేంద్ర మోదీ 76వ జన్మదినోత్సవం, తెలంగాణ విమోచన దినోత్సవాన్ని ఘనంగా నిర్వహించారు. భారతీయ సంస్కృతి, జాతీయ ఐక్యత, దేశాభివృద్ధి అంశాలను ప్రస్తావిస్తూ కార్యక్రమాన్ని నిర్వహించారు.

ఈ సందర్భంగా ప్రధాని నరేంద్ర మోదీ (Narendra Modi) కి జన్మదిన శుభాకాంక్షలు తెలిపారు. దేశాభివృద్ధి, ప్రపంచ వేదికపై భారతదేశ ప్రతిష్ట, ప్రవాస భారతీయులతో భారతదేశానికి (India) ఉన్న అనుబంధంపై వక్తలు మాట్లాడారు.

తెలంగాణ (Telangana) విమోచన దినోత్సవాన్ని పురస్కరించుకుని తెలంగాణ చరిత్ర, నిజాం పాలన నుంచి విముక్తి కోసం సాగిన పోరాటం, ప్రజల త్యాగాలను స్మరించుకున్నారు. తెలంగాణ చరిత్రను భావితరాలకు తెలియజేయాల్సిన అవసరం ఉందని కార్యక్రమంలో పాల్గొన్న వారు పేర్కొన్నారు.

ఈ ప్రధాని నరేంద్ర మోడి (Narendra Modi) 76వ జన్మదిన వేడుకల కార్యక్రమంలో కృష్ణా రెడ్డి అనుగుల, విలాస్ రెడ్డి జంబుల (Vilas Reddy Jambula), అమర్ గోస్వామి, అనిత చద్దా, అమిత్ పాండ్యే, గుంజన్ మిశ్రా, సుమిత్ పాండ్యే, నిత దోషీ, స్మిత దోషీ తదితరులు పాల్గొన్నారు.

అమెరికాలో నివసిస్తున్న భారతీయులు దేశంతో తమ అనుబంధాన్ని కొనసాగిస్తూ భారతీయ పండుగలు (Festivals), జాతీయ దినోత్సవాలు, చారిత్రక సందర్భాలను నిర్వహించడం అభినందనీయమని నిర్వాహకులు తెలిపారు. కార్యక్రమం దేశభక్తి నినాదాలు, శుభాకాంక్షలతో ఉత్సాహంగా కొనసాగింది.