ఖతార్, దోహాలో ఆకట్టుకున్న సూపర్ డ్యాన్సర్ గ్రాండ్ ఫినాలే పోటీలు

దోహా మ్యూజిక్ లవర్స్ ఎమోట్ ఎడిషన్ డ్యాన్స్ స్టూడియోస్‌తో కలిసి “సూపర్ డాన్సర్ డ్యాన్స్ కాంపిటీషన్” నిర్వహించారు. డ్యాన్స్‌పై మక్కువ ఉన్న నాట్య ప్రియులందరికీ వేదికను అందించేందుకు ఈ కార్యక్రమాన్ని ఏర్పాటు చేశారు. ఈ మెగా డ్యాన్స్ పోటీలో 200 మందికి పైగా పోటీదారులు నమోదు చేసుకున్నారు.

ఒక నెల సుదీర్ఘ ఆడిషన్‌ల తర్వాత 42 మంది పోటీదారులను గ్రాండ్ ఫినాలేకి తీసుకెళ్లారు. ఖతార్ & భారతదేశ జాతీయ గీతాలతో కార్యక్రమం ప్రారంభమైంది. కళ్ళు జిగేల్ మనిపించే మెరిసే దుస్తులతో, షోకైన ఆభరణాలు ధరించి చిన్నారులు, పిల్లలు మరియూ పెద్దలు ఎంతో ఉత్సహంతో ఈ సూపర్ డ్యాన్సర్ పోటీలో పాల్గోని, ఒక మరిచి పోలేని రాత్రిగా మధురానుభూతిని పంచారు.

క్లాసికల్, ఫోక్, సినిమాటిక్, హిప్హాప్ మరియు వెస్ట్రన్ వంటి వివిధ రకాల నృత్యాల కోసం పోటీ జరిగింది. జూనియర్లు, టీనేజ్, సీనియర్లు మరియు సూపర్ సీనియర్లు వంటి ప్రత్యేక వయస్సు కేటగిరీలు అమలు పెట్టారు. ఈ కార్యక్రమాన్ని అందమైన అఫ్రీన్ ఖాన్ మరియు మొహిందర్ జలంధరి హోస్ట్ చేశారు.

సూపర్ డ్యాన్సర్ యొక్క ఈ సీజన్ మా అందరికి వినోదభరితమైన ప్రయాణం, ప్రతి పోటిదారుడు మా హృదయాలను వారి ప్రతిభతో దోచుకున్నారు. ఈ పోటీలో పాల్గొన్న ప్రతి పోటీదారుకి మంచి భవిష్యత్తు కోసం శుభాకాంక్షలు తెలియజేస్తున్నాము అని దోహా మ్యూజిక్ లవర్స్ గ్రూప్ అసోసియేట్ పార్టనర్‌లుగా ఉన్న ఎమోట్ ఎడిషన్ డ్యాన్స్ స్టూడియోస్‌కు చెందిన జ్యోతి మరియు సంగీత తెలిపారు.

ఈ సీజన్‌లో అతని అనుభవం గురించి ఆర్గనైజర్ సయ్యద్ రఫీ మాట్లాడుతూ, “ఈ పోటీదారులు అద్భుతమైన ప్రదర్శనకారులు, మరియు ఆడిషన్‌ల యొక్క ప్రతి దశలో మరియు ఇప్పుడు ఫైనల్స్‌లో వారి పరిణామాన్ని నేను చూశాను. వారు నిజమైన విజేతలు మరియు చాలా అర్హులు. సూపర్ డ్యాన్సర్ డ్యాన్స్ కాంపిటీషన్ యొక్క నిర్వాహకుడిగా మరియు వ్యవస్థాపకుడిగా నేను ఈ సీజన్‌ను పూర్తిగా ఆస్వాదించాను.

మా ముందు ఇలాంటి అద్భుతమైన ప్రతిభ ప్రదర్శనలను చూడగలిగినందుకు నేను సంతోషిస్తున్నాను. కార్యక్రమాన్ని విజయవంతం చేసేందుకు సహకరించిన ప్రతి ఒక్కరికి పేరు పేరు నా కృతజ్ఞతలు అని తెలిపారు. సౌండ్ మరియు లైట్లను అద్భుతంగా ఆపరేట్ చేసినందుకు విక్రమ్ సుఖవాసిని అభినందించారు.

ఈ సందర్భంగా దాన వరల్డ్‌ కంట్రాక్టింగ్ మేనేజింగ్‌ డైరెక్టర్‌ గద్దె శ్రీనివాస్‌ మాట్లాడుతూ, సయ్యద్ రఫీ ఈవెంట్‌ను విశేషమైనదిగా మార్చడంలో చేసిన కృషిని ప్రశంసించారు. దోహా మ్యూజిక్ లవర్స్ మరియు ఎమోట్ ఎడిషన్ నుండి ఇలాంటి మరిన్ని సీజన్ ల కోసం తాను ఎదురు చూస్తున్నానని అన్నారు.

ఈ డ్యాన్స్ కాంపిటీషన్ కోసం జ్యూరీ ప్యానెల్‌లో దోహాలోని ప్రఖ్యాత డ్యాన్స్ మాస్టర్లు మరియు కొరియోగ్రాఫర్‌లు అయిన 7 మంది న్యాయనిర్ణేతలుగా వ్యవహరించారు. వారు కృష్ణప్రియా రాజేష్, శ్వేతా భరద్వాజ్, మిలన్ అరుణ్, భావనా నాయక్, జిష్ణు సత్యన్, నిమి జయదేవ్ మరియు సీమా రజిత్. న్యాయమూర్తి మిలన్ అరుణ్ మట్లాడుతు, చాలా మంది పాల్గొన్న ఇంత పెద్ద ఈవెంట్ ను నిర్వహించడం అంత తేలికైన పని కాదని మరియు ఎమోట్ ఎడిషన్ డ్యాన్స్ స్టూడియోస్‌తో పాటు సయ్యద్ రఫీ మరియు అతని బృందం పాత్రను ఆమె ప్రశంసించారు.

న్యూ టెక్ ఇంజినీర్ & ట్రేడింగ్ యొక్క CEO అజయ్ కుమార్ ఈ కార్యక్రమానికి ముఖ్య అతిథిగా హాజరయ్యారు. ఈ కార్యక్రమాన్ని చూసేందుకు ఆయన ప్రత్యేకంగా భారతదేశం నుండి వచ్చారు. ఈ కార్యక్రమానికి హాజరైన ఇతర ప్రముఖులు ICC జనరల్ సెక్రటరీ కృష్ణ కుమార్, ICBFకి చెందిన రజనీ మూర్తి, తెలంగాణ ప్రజా సమితి ప్రెసిడెంట్ గద్దె శ్రీనివాస్, ఫోకస్ ట్రేడింగ్ ఎండి భాస్కర్ చౌబే, న్యూ టెక్ ఇంజినీర్ జనరల్ మేనేజర్ అనిల్, CIA ప్రెసిడెంట్ జైప్రకాష్ సింగ్, సోను దోహా కు చెందిన పర్దీప్, తెలంగాణ ఫుడ్ సన్‌కాన్స్ మేనేజింగ్ డైరెక్టర్ ప్రవీణ్ బుయ్యని, వెంకప్ప భాగవతుల ప్రెసిడెంట్ AKV, ఆంధ్ర కళా వేదిక ప్రధాన కార్యదర్శి విక్రమ్ హాజరయ్యారు.

విజేతలకు ముఖ్య అతిథి, నిర్వాహకులు, జ్యూరీ సభ్యులు వరుసగా ట్రోఫీలను అందజేశారు. ఈ పోటీకి ఛానెల్ 5 మరియు మా గల్ఫ్ మీడియా భాగస్వాములుగా వ్యవహరించారు.