ఘనంగా వారధి ఇండియా ఫౌండేషన్ వార్షిక వేడుకలు, విద్యార్థుల ప్రతిభకు ప్రోత్సాహం @ Hyderabad, Telangana

Hyderabad, Telangana, 4 అక్టోబర్ 2026: వారధి (VARADHI) ఇండియా ఫౌండేషన్ 2026 వార్షిక ఉపన్యాసం మరియు బహుమతుల ప్రదానోత్సవాన్ని అక్టోబర్ 3న హైదరాబాద్‌లో ఘనంగా నిర్వహించింది. ఆంధ్రప్రదేశ్, తెలంగాణ రాష్ట్రాల్లోని ప్రభుత్వ పాఠశాలల విద్యార్థు (AP & Telangana Govt. School Students) ల ప్రతిభ, చురుకైన భాగస్వామ్యం మరియు విజయాలను గుర్తించి, ప్రోత్సహించే లక్ష్యంతో వారధి ఇండియా ఫౌండేషన్ ఈ వార్షిక కార్యక్రమాన్ని నిర్వహించింది.

ఉమ్మడి ఆంధ్రప్రదేశ్ మాజీ ప్రధాన కార్యదర్శి డా. మోహన్ కందా (Dr. Mohan Danda) (IAS, రిటైర్డ్) 2013లో ‘వారధి’ని స్థాపించారు. ‘వారధి’ అంటే ‘వంతెన’. వ్యక్తులు, సంస్థలు, సమాజాల మధ్య అనుసంధానాన్ని (Connection) ఏర్పరచి, అభివృద్ధికి తోడ్పడే కార్యక్రమాలకు వేదికగా వారధి పనిచేస్తోంది.

‘విద్య ద్వారా సాధికారత’ (Empowering through Education) అనే స్ఫూర్తితో, యువత తమ వ్యక్తిగత అభివృద్ధి (Personal development) తోపాటు సమాజానికి, దేశానికి సానుకూల మార్పు తీసుకురాగలిగేలా వారిని తీర్చిదిద్దడం వారధి ప్రధాన లక్ష్యం.

భావి తరాల మార్గదర్శకత్వంలో, వారి వ్యక్తిత్వ వికాసంలో ఉపాధ్యాయులు కీలక పాత్ర పోషిస్తారని గుర్తించిన వారధి, విద్య ద్వారా దేశ నిర్మాణానికి (Nation Building) తోడ్పడే ప్రయత్నంగా తన కార్యక్రమాలను కొనసాగిస్తోంది. ప్రభుత్వ విద్యా వ్యవస్థ (Public Education System) కు ప్రత్యామ్నాయాలను సృష్టించడం కంటే, అదే వ్యవస్థతో కలిసి పనిచేసి దాన్ని మరింత బలోపేతం చేయడమే వారధి విధానం.

ప్రభుత్వ విద్యా వ్యవస్థలు, సంస్థలు, ఉపాధ్యాయులను బలోపేతం చేసి, వారికి అవసరమైన మద్దతును అందించడం ఫౌండేషన్ ప్రధాన విధానం. తద్వారా వారు మరింత సమర్థవంతం (Efficient) గా పనిచేసి, ఎక్కువ మంది పిల్లల జీవితాల్లో సుస్థిరమైన మార్పు (Sustainable change) ను తీసుకురాగలరని వారధి విశ్వసిస్తోంది. విద్యార్థులు మరియు ఉపాధ్యాయుల కోసం ఆనందకరమైన అభ్యాస పద్ధతుల ద్వారా స్పోకెన్ ఇంగ్లీష్ (Spoken English), కోడింగ్ తరగతుల (Coding Classes) ను వారధి నిర్వహిస్తోంది.

‘లెట్స్ టీచ్ ఇన్ ఇంగ్లీష్’ కార్యక్రమం ద్వారా ఉపాధ్యాయులు తరగతి గదిలో మరింత ఆత్మవిశ్వాసంతో బోధించేందుకు, సమర్థవంతమైన బోధనా పద్ధతులను(Effective Teaching Methods) అభివృద్ధి చేసుకునేందుకు వారధి తోడ్పడుతోంది. ఈ కార్యక్రమాలు ఆంధ్రప్రదేశ్ ప్రభుత్వ SCERT, తెలంగాణ ప్రభుత్వ సమగ్ర శిక్ష భాగస్వామ్యంతో నిర్వహించబడుతున్నాయి. ఈ ప్రభుత్వ సంస్థల సహకారం వారధి కార్యక్రమాల విస్తరణకు, సమర్థవంతమైన అమలుకు కీలకమైన మద్దతును అందిస్తోంది.

విద్యార్థుల్లో పరిశోధనా దృక్పథం (Research perspective), విశ్లేషణాత్మక ఆలోచన (Analytical thinking), తమ అభిప్రాయాలను స్పష్టంగా వ్యక్తపరచే సామర్థ్యాన్ని పెంపొందించడంతో పాటు, విభిన్న దృక్పథాలను అర్థం చేసుకుని నిర్మాణాత్మకంగా చర్చించేలా ప్రోత్సహించేందుకు వారధి 2013 నుంచి వార్షిక పోటీలను నిర్వహిస్తోంది.

ఈ ఏడాది ఆంధ్రప్రదేశ్, తెలంగాణ రాష్ట్రాల్లోని 52 జిల్లాల నుంచి 305 మంది విద్యార్థులు రాష్ట్రస్థాయి వ్యాసరచన (Essay), చర్చా (Debate) పోటీల్లో పాల్గొన్నారు. ఆంధ్రప్రదేశ్‌లోని 26 జిల్లాల్లో 25 జిల్లాలు, తెలంగాణలోని 33 జిల్లాల్లో 27 జిల్లాల నుంచి విద్యార్థులు రాష్ట్రస్థాయి పోటీలకు ప్రాతినిధ్యం వహించారు.

2026 వార్షిక ఉపన్యాసంలో పర్యావరణవేత్త (Environmentalist), వాటా ఫౌండేషన్ వ్యవస్థాపక ట్రస్టీ శ్రీ ఉదయ కృష్ణ పెద్దిరెడ్డి (Sri Udaya Krishna Peddireddy) “మీరు చూడాలనుకుంటున్న మార్పు మీరే అవ్వండి” అనే అంశంపై ప్రసంగించారు. ‘అనగనగా’ చిత్ర కథానాయకుడు, నటుడు శ్రీ సుమంత్ (Sri Sumanth) “నేర్చుకోవడంలోని ఆనందం” అనే అంశంపై తన ఆలోచనలను విద్యార్థులతో పంచుకున్నారు.

విభిన్న రంగాల్లో సాగిన వారి ప్రయాణాలు, నేర్చుకోవడం ద్వారా కలిగే శక్తిని, ఒక వ్యక్తి కూడా సానుకూల మార్పు (Positive change) కు నాంది పలకగల సామర్థ్యాన్ని ప్రతిబింబించాయి. వారి ప్రసంగాలు వారధి ప్రధాన లక్ష్యమైన విద్య ద్వారా సాధికారత (Empowerment), ఆనందకరమైన అభ్యాసం (Happy Learning) మరియు సానుకూల మార్పును ప్రతిధ్వనించాయి.

విజేత జట్లకు మొదటి బహుమతి (First Prize) గా ₹33,000 (లేదా సమాన విలువ గల వస్తువులు), రెండవ బహుమతి (Second Prize) గా ₹30,000, మూడవ బహుమతి (Third Prize) గా ₹27,000 అందించారు. ఈ కార్యక్రమంలో విద్యార్థులు, ఉపాధ్యాయులు, విద్యాశాఖ అధికారులు, న్యాయనిర్ణేతలు, స్వచ్ఛంద కార్యకర్తలు, వారధి మద్దతుదారులు, ఆంధ్రప్రదేశ్ మరియు తెలంగాణ ప్రభుత్వాల ప్రతినిధులు పాల్గొన్నారు.

వారధి వార్షిక వేడుకలో బహుమతులు ఒక ముఖ్యమైన భాగమే అయినప్పటికీ, ఈ ప్రయాణానికి అసలైన బలం విద్యార్థుల పట్టుదల (Persistence), జిజ్ఞాస (curiosity), నేర్చుకోవాలనే తపనలోనే ఉందని ఫౌండేషన్ విశ్వసిస్తోంది. తాము రాణించగలమనే, తమకంటూ ఒక అర్థవంతమైన భవిష్యత్తును నిర్మించుకోగలమనే నమ్మకాన్ని విద్యార్థుల్లో పెంపొందించడమే వారధి దృష్టిలో నిజమైన విజయం.