అట్లాంటాలోని బెల్హర్స్ట్ లో భక్తిశ్రద్ధలతో వినాయక చవితి వేడుకలు – Cumming, Georgia

Cumming, Georgia: భారతీయ సంస్కృతి, సంప్రదాయాలు, భక్తి, ఐక్యతను చాటుతూ జార్జియాలోని కమ్మింగ్ లో బెల్హర్స్ట్ (Bellehurst) ప్రాంతంలో 5వ వార్షిక వినాయక చవితి వేడుకలు అత్యంత భక్తిశ్రద్ధలతో, ఘనంగా నిర్వహించారు.

సెప్టెంబర్ 14, సోమవారం ప్రారంభమైన ఈ వేడుకల్లో ప్రతిరోజూ శ్రీ గణేశుడికి (Lord Ganesh) ప్రత్యేక పూజలు, ప్రార్థనలు నిర్వహిస్తున్నారు. పూజా కార్యక్రమాల అనంతరం కమ్యూనిటీ సభ్యులు కలిసి నిర్వహిస్తున్న పాట్లక్ విందులు వేడుకలకు మరింత ప్రత్యేక ఆకర్షణగా నిలుస్తున్నాయి.

వినాయక చవితి (Ganesh Chaturthi) వేడుకల్లో భాగంగా నిర్వహించిన ప్రత్యేక పూజా కార్యక్రమాలు, సాంస్కృతిక కార్యక్రమాలతో బెల్హర్స్ట్ ప్రాంతంలో పండుగ వాతావరణం వెల్లివిరిసింది. అద్భుతమైన అలంకరణలు, దీపకాంతులు, రంగురంగుల పూల అలంకరణలతో ప్రాంగణమంతా భక్తి, ఆనందం, పండుగ శోభతో కళకళలాడింది.

ఈ వేడుకల్లో మహిళలు (Women), చిన్నారులు, పురుషులు, పెద్దలు ఉత్సాహంగా పాల్గొన్నారు. ప్రతి ఒక్కరూ భారతీయ సాంప్రదాయ దుస్తులు ధరించి వేడుకలకు హాజరై, శ్రీ గణేశుడిని అత్యంత భక్తిశ్రద్ధలతో ప్రార్థించారు. కుటుంబ సభ్యులు, పిల్లలు కలిసి పాల్గొనడంతో వేడుకలు మరింత సందడిగా మారాయి.

భిన్న ప్రాంతాలు.. ఒక్కటైన భారతీయత

ఈ వేడుకల్లో ప్రత్యేకంగా కనిపించిన అంశం “భిన్నత్వంలో ఏకత్వం” (Unity in Diversity). భారతదేశంలోని వివిధ ప్రాంతాలకు చెందిన నిర్వాహకులు, కుటుంబాలు కలిసి ఈ వేడుకలను నిర్వహించడం ద్వారా భారతీయ సంస్కృతిలోని ఐక్యతను చాటిచెప్పారు.

ఆంధ్రప్రదేశ్ (Andhra Pradesh), తెలంగాణ (Telangana), తమిళనాడు, కర్ణాటక, ఉత్తర భారతదేశం తదితర ప్రాంతాలకు చెందిన కుటుంబాలు కలిసి ఎలాంటి ప్రాంతీయ భేదాలు లేకుండా గణేశ్ చతుర్థి వేడుకలను నిర్వహించారు. భిన్న భాషలు, ప్రాంతాలు, సంస్కృతులకు చెందినప్పటికీ అందరూ ఒకే కుటుంబంలా కలిసిమెలిసి పండుగను జరుపుకోవడం విశేషంగా ఆకట్టుకుంది.

పాట్లక్ విందులతో ఆత్మీయత

వేడుకల్లో భాగంగా కమ్యూనిటీ కుటుంబాలు తమ ఇళ్లలో తయారు చేసిన వివిధ రకాల రుచికరమైన భారతీయ వంటకాలను తీసుకువచ్చి పాట్లక్ (Potluck) విందులో అందరికీ వడ్డించారు. రుచికరమైన ఆహారంతో పాటు కుటుంబ సభ్యుల మధ్య ఆత్మీయ సంభాషణలు, స్నేహపూర్వక వాతావరణం వేడుకలకు మరింత శోభను తీసుకొచ్చాయి.

బెల్హర్స్ట్ కమ్యూనిటీలో వరుసగా ఐదవ సంవత్సరం గణేశ్ చతుర్థి (Ganesh Chaturthi) వేడుకలను విజయవంతంగా నిర్వహిస్తున్నందుకు కమ్యూనిటీ సభ్యులు నిర్వాహకులు, వాలంటీర్లు, కుటుంబ సభ్యులు మరియు కార్యక్రమంలో పాల్గొన్న ప్రతి ఒక్కరికీ కృతజ్ఞతలు తెలిపారు.

ఐదు సంవత్సరాలుగా కొనసాగుతున్న ఈ గణేశ్ చతుర్థి వేడుకలు బెల్‌హర్స్‌ట్ కమ్యూనిటీలో (Bellehurst) భారతీయ సంస్కృతి, సంప్రదాయాలను పరిరక్షించడంతో పాటు కుటుంబాలను, స్నేహితులను, వివిధ ప్రాంతాలకు చెందిన భారతీయులను ఒకే వేదికపైకి తీసుకువస్తున్నాయి.

భక్తి, సాంస్కృతిక కార్యక్రమాలు, సాంప్రదాయ దుస్తులు, దేశి డిస్ట్రిక్ట్ వారి రుచికరమైన వంటకాలు, అద్భుతమైన అలంకరణలు, ఆత్మీయతతో బెల్‌హర్స్‌ట్‌లో గణేశ్ చతుర్థి వేడుకలు “వినాయకుడి ఆశీస్సులతో.. ఐక్యతతో ముందుకు” అనే సందేశాన్ని చాటిచెప్పాయి.