వాసవి సేవా సంఘ్ 5K వాక్ & సమ్మర్ పిక్నిక్ ఘన విజయం @ Atlanta, Georgia

Atlanta, Georgia: వాసవి సేవా సంఘ్ నిర్వహించిన 5K వాక్ & సమ్మర్ పిక్నిక్ (Picnic) కార్యక్రమం ఎంతో ఘనవిజయం సాధించింది. వందలాది వాసవైట్స్, వివిధ సంస్థల నాయకులు, కుటుంబ సభ్యులు, పిల్లలు, పెద్దలు ఉత్సాహంగా పాల్గొని ఈ కార్యక్రమాన్ని మరపురాని వేడుకగా మార్చారు.

5K వాక్ & ఆరోగ్య కార్యక్రమాలు

ఉదయం 8 గంటలకు 5K వాక్‌తో (5K Walk) కార్యక్రమం ప్రారంభమైంది. వందలాది మంది ఉత్సాహంగా పాల్గొని ఆరోగ్యంపై అవగాహనతో కలిసి నడిచారు. అనంతరం సర్టిఫైడ్ ప్రొఫెషనల్ ఆధ్వర్యంలో జుంబా సెషన్, భారతదేశం నుండి వచ్చిన ప్రొఫెషనల్ యోగా ట్రైనర్ అనురాధ గారు నిర్వహించిన యోగా సెషన్ అందరినీ ఎంతో ఆకట్టుకున్నాయి.

ఆరోగ్యకరమైన బ్రేక్‌ఫాస్ట్ మరియు పిల్లల కోసం పిజ్జాలు కూడా ఏర్పాటు చేయడంతో ఉదయం కార్యక్రమాలు మరింత ఆనందంగా సాగాయి. ట్రైనర్ల విలువైన ఆరోగ్య సూచనలను అందరూ ఎంతో ఆసక్తిగా స్వీకరించారు.

మధ్యాహ్నం సమ్మర్ పిక్నిక్ — అందరికీ ఆనందమే ఆనందం

మధ్యాహ్నం ప్రారంభమైన పిక్నిక్‌లో (Picnic) దాదాపు 1,000 మంది పాల్గొన్నారు. పిల్లల నుండి పెద్దల వరకు అందరూ బింగో, రాఫిల్, వివిధ ఫన్ గేమ్స్లో ఎంతో ఉత్సాహంగా పాల్గొన్నారు. ముఖ్యంగా ఇండియా (India) నుండి వచ్చిన తల్లిదండ్రులు, తాతలు, అమ్మమ్మలు కూడా చిన్నారులతో కలిసి రోజంతా గేమ్స్‌లో పాల్గొని ఆనందించడం ఎంతో ప్రత్యేకంగా నిలిచింది. ఇది నిజమైన కుటుంబ సమైక్యతకు అద్భుతమైన ఉదాహరణగా నిలిచింది.

రుచికరమైన భోజనం & సాయంత్రం బజ్జీ సందడి

Charminar Indian Kitchen అందించిన రుచికరమైన భోజనాన్ని ప్రతి ఒక్కరూ ఎంతో ఆస్వాదించారు. సాయంత్రం జరిగిన ప్రత్యేక బజ్జీ సెషన్ కార్యక్రమానికి మరింత రుచిని, సందడిని తీసుకొచ్చింది. వివిధ రకాల బజ్జీలను ప్రతిభావంతులైన వంటవారు, గృహిణులు మరియు మన పెద్దలు ఎంతో ప్రేమతో తయారు చేశారు. వేడి వాతావరణాన్ని దృష్టిలో పెట్టుకుని నిర్వాహకులు రోజంతా పుచ్చకాయలు మరియు రిఫ్రెష్‌మెంట్స్ అందించడం కూడా అందరినీ ఎంతో ఆకట్టుకుంది.

సాంస్కృతిక కార్యక్రమాలు

వివిధ సాంస్కృతిక కార్యక్రమాలు (Cultural Programs) రోజంతా సందడిని పెంచాయి. ముఖ్యంగా రిథ్విక గారి పాటల ప్రదర్శన సాంస్కృతిక కార్యక్రమాల్లో ప్రత్యేక ఆకర్షణగా నిలిచింది. సంగీతం, సంస్కృతి, కుటుంబ ఆనందం, వినోదం అన్నీ కలిసిన అద్భుతమైన వాతావరణం ఏర్పడింది.

బిగ్ స్క్రీన్‌పై VSS సేవా ప్రయాణం

Epic Events వారికి ప్రత్యేక ధన్యవాదాలు. VSS సంస్థ ప్రారంభం నుండి ఇప్పటివరకు నిర్వహించిన సేవా కార్యక్రమాలు, భవిష్యత్ కార్యక్రమాలను డిజిటల్ స్క్రీన్‌పై ప్రదర్శించడం ద్వారా ప్రజలకు మా సేవా కార్యక్రమాల గురించి మరింత అవగాహన కలిగింది. VSS నిర్వహిస్తున్న రాబోయే విరాళ కార్యక్రమాలు మరియు సేవా కార్యక్రమాలపై కూడా అనేక మంది ఆసక్తి చూపించడం ఎంతో సంతోషకరం. అత్యంత ముఖ్యంగా — VSS ఎల్లప్పుడూ టికెట్ లేని కార్యక్రమాలకే ప్రాధాన్యత ఇస్తుంది.

సాధారణ ప్రజలపై ఆర్థిక (Financial) భారం వేయకుండా, కుటుంబాలను ఒకచోట చేర్చి, ఆరోగ్యం, సంస్కృతి, కుటుంబ బంధాలు మరియు సమాజ సేవను ప్రోత్సహించడం VSS ప్రధాన లక్ష్యం. ఈ కార్యక్రమాన్ని విజయవంతం చేసిన ప్రతి వాలంటీర్, ట్రైనర్, స్పాన్సర్, ఫుడ్ పార్టనర్, ఈవెంట్ పార్టనర్, కుటుంబ సభ్యుడు మరియు ప్రతి ఒక్క పాల్గొనేవారికి వాసవి సేవా సంఘ్ హృదయపూర్వక కృతజ్ఞతలు తెలియజేస్తోంది.

మీ అందరి ఆనందం, అభినందనలు మరియు సానుకూల స్పందనలే మా సేవా ప్రయాణానికి మరింత ప్రేరణ. “మానవ సేవే మాధవ సేవ” మానవులకు సేవ చేయడమే మాధవుడికి సేవ చేయడం. వాసవి సేవా సంఘ్ — సేవ, సంస్కృతి, ఆరోగ్యం & సమాజం కోసం కలిసి ముందుకు.