సంక్రాంతికి వృద్దాశ్రమాలలో రగ్గులు, చీరలు పంపిణీ: Purusothama Chowdary Gude, TANA Foundation Trustee

తానా (తెలుగు అసోసియేషన్ ఆఫ్ నార్త్ అమెరికా) ఫౌండేషన్ ఆధ్వర్యంలో సంక్రాంతి పండుగ సందర్భంగా ఉచిత రగ్గులు, చీరలు పంపిణీ కార్యక్రమం నిర్వహించారు. తానా ఫౌండేషన్ ట్రస్టీ పురుషోత్తం చౌదరి గుదె (Purusothama Chowdary Gude) సహకారంతో ఈ సేవాకార్యక్రమం నిర్వహించారు.

రాయలసీమలోని అనంతపురం (Anantapur) నగరంలో గల పలు వృద్దాశ్రమాలలో ఉన్న 200 మంది వృద్ధులకు శీతాకాల రగ్గులు, చీరలను మాజీ కార్పొరేటర్ (Corporator) పరిమి రాజారావు చేతుల మీదుగా అందించారు. ఈ సందర్భంగా వృద్ధులు, వృద్దాశ్రమాల నిర్వాహకులు పురుషోత్తం చౌదరి గుదె మరియు తానా సంస్థని అభినందించారు.

సురక్ష వృద్దాశ్రమము, సెయింట్ విన్సెంట్ డి. పాల్‌ వృద్దాశ్రమము, ఆశ్రమ వృద్దాశ్రమములలో ఈ రగ్గులు, చీరలు పంపిణీ చేయడం జరిగింది. ఈ కార్యక్రమములో బెల్లం మారుతి, సతీష్, సుధాకర, చౌదరి, నాగార్జున తదితరులు పాల్గొన్నారు.