అబ్బురపరిచిన TDF బతుకమ్మ, దసరా సంబరాలు @ Washington DC

తెలంగాణ డెవలప్మెంట్ ఫోరమ్ వాషింగ్టన్ డి.సి చాఫ్టర్ వనితా టీమ్ ఆధ్వర్యంలో అక్టోబర్ 15 న బ్రాడ్ రన్ హైస్కూల్ ఆశ్ బర్న్, వర్జీనియాలో బతుకమ్మ, దసరా సంబరాలు అంబరానంటాయి. తెలంగాణ సంస్కృతిని ప్రపంచానికి తెలియచేయడంలో జరుగుతున్న ప్రయత్నంలో టి.డి ఎఫ్ గత 18 సంవత్సరాలుగా అమెరికాలోని పలు మెట్రో నగరాలలో బతుకమ్మ, దసరా సంబరాలను జరుపుతుంది.

వాషింగ్టన్ డి. సి బతుకమ్మ ఉత్సవాల్లో దాదాపు మూడు వేల ఎనిమిది వందల మందికి పైగా అన్ని ప్రాంతాల ప్రజలు అందమైన బతుకమ్మలని పేర్చి ఉత్సాహంగా పాల్గొన్నారు. ఈ బతుకమ్మ పండుగకి ప్రత్యేక అతిథిగా TDF USA అధ్యక్షులు డాక్టర్ దివేష్ అనిరెడ్డి గారు విచ్చేశారు.

అలాగే TDF USA చైర్మెన్ వెంకట్ మారం గారు, టి.డి.ఎఫ్ ఫౌండర్ ప్రెసిడెంట్ మురళీ చింతలపాణి గారు ప్రత్యేక అతిధులుగా తమ కుటుంబ సమేతంగా హాజరయ్యారు. టి.డి.ఎఫ్, తెలంగాణ రాష్ట్రంలోని పలు గ్రామాల్లో చేస్తున్న అభివృద్ధి పనులను వివరించారు.

జై కిసాన్, మన తెలంగాణ బడి లాంటి కార్యక్రమాలను వారు వివరించారు. ఇండియా నుండి ప్రఖ్యాత శిల్పి, కళాకారులు శ్రీ MV రమణా రెడ్డి గారు “తెలంగాణ అమరవీరుల స్మారక” చిహ్న రూపకర్త 80కి పైగా దేశాల్లో తన కళలను ప్రదర్శించిన అంతర్జాతీయ శిల్పి, TDF DC బతుకమ్మ సంబరాల్లో “పాత్ టు ఆర్టిస్టిక్ బ్రిలియన్స్, ఏ జర్నీ అన్వీల్డ్” అనే తన పుస్తకం ఆవిష్కరించారు.

ఈ బతుకమ్మ పండుగకి ప్రత్యేక ఆకర్షణగా “ఎల్లిపోతావురా మనిషి మనిషి” , “బాగుండాలి మనిషి” అనే పాటలతో “Swathi Reddy UK” ఛానల్ లో ప్రపంచ వ్యాప్తంగా ఎంతో మందిని కదిలించి, ఎందరికో దగ్గరయిన గాయని, మన తెలంగాణ ఆడపడుచు “స్వాతి రెడ్డి” బతుకమ్మ పాటలు పాడుతూ, స్త్రీలతో కలసి ఆడుతూ అందరిలో జోష్ నింపారు.

వాషింగ్టన్ డిసి, వర్జీనియా కి చెందిన పలు రాజకీయవేత్తలు, కమ్మూనిటీ నాయకులు స్త్రీలతో కలసి బతుకమ్మ ఆడారు. రంగురంగుల, ఆకర్షణీయమైన పురుషుల, స్త్రీల, పిల్లల అందమయిన బట్టలు, నగలు సరసమైన ధరలకు అందించడానికి ఎంతో దూర ప్రాంతాల నుండి వచ్చిన స్టాల్ లు ఆహుతులతో క్రిక్కిరిసి పోయాయి.

పండుగకు హాజరైన అందరికీ తెలంగాణ డెవెలప్మెంట్ ఫోరమ్ కమ్మటి తెలంగాణ వంటకాల భోజనాన్ని ఉచితంగా అందించారు. నవ్య ఆలపాటి తన బృందంతో తెలంగాణ పల్లె పదాల మెడ్లీ నృత్యాన్ని, మంజువాణి తన బృందంతో మహిషాసుర మర్ధిని నృత్య రూపకాన్ని ప్రదర్శించి ఆహుతులని అబ్బుర పరిచారు.

విశ్వ వ్యాప్తంగా బతుకమ్మ పండుగ జరుపుకుంటున్న తెలుగు వారందరికీ, వాషింగ్టన్ డి.సి బతుకమ్మ పండుగకు హాజరైన అందరికి తెలంగాణ డెవలప్మెంట్ ఫోరమ్ వాషింగ్టన్ డిసి వనితా టీమ్ నాయకులు కవితా చల్లా, వినయ సూరనేని కృతజ్ఞతలు తెలిపారు.

ఇంకా ఈ పండుగ విజయవంతం కావడంలో ముఖ్య పాత్ర వహించిన కల్పనా బోయినపల్లి, శ్రీకళ, శివాని,మంజు గంగ, మంజువాణి, సూరనేని రామ్మోహన్, జీనత్, నవీన్ చల్ల, పున్నం జొన్నల, అనిల్ కేసినేని, అమరెండర్ బొజ్జ, అశ్విని, పవన్, కరుణాకర్, రాధికా, శ్వేత ఇమ్మడి, మల్లారెడ్డి, నరేందర్, షర్మిల ఇంకా చాలా మంది వలంటీర్ లకి కవిత చల్ల , వినయ సూరనేని కృతజ్ఞతలు తెలిపారు.