సృజనాత్మకంగా టాకో రంగోళి వేడుకలు

సెంట్రల్ ఒహాయో తెలుగు సంఘం (టాకో) వారు జనవరి 11న అంగరంగ వైభవంగా “రంగోళి” వేడుకలు జరుపుకున్నారు. టాకో 2020 కమిటీ వారి ఆధ్వర్యంలో తొలుతగా జరుపుకున్న ఈ వేడుక డబ్లిన్ లోని విశాల ప్రాంగణమైన సెయింట్ జాన్ లుతెర్న్ చర్చి లో జరిగింది. 300 మందికి పైగా కొలంబస్ తెలుగు ప్రజలు ఈ వేడుకకు హాజరు కావటం విశేషం.

ఈ కార్యక్రమంలో రంగవల్లికలు, చిత్రలేఖనం, గాలిపటాలు, కోలాటం పోటీలు నిర్వహించారు . ప్రత్యేకంగా ముగ్గుల పోటీలో పిన్నలు, పెద్దలు, వృద్దులు కూడా హుషారుగా పాల్గొని చక్కటి రంగవల్లికలు వేసి రంగులతో అందంగా తీర్చిదిద్దారు. పోటీలలో మహిళలు విశేషంగా పాల్గొన్నారు. చిత్రలేఖనం పోటీలకు 100 కు పైచిలుకు పిల్లలు, పెద్దలు పాల్గొని ఎంతో చక్కని రంగులతో , అంశాలతో తమ సృజనాత్మకతను ప్రదర్శించారు. అలాగే గాలిపటం పోటీలకు కూడా పిల్లలు ఎంతో వినూత్నమైన గాలిపటాలను తాయారు చేసి ప్రదర్శించారు. ఉత్సాహంగా సాగిన మహిళల కోలాటం పోటీలు ఆహుతులను ఆకట్టుకున్నాయి.

శ్రావణి గండేపల్లి గారి హరి కథా కాలక్షేపం, తొక్కుడు బిళ్ళ ఆట ప్రేక్షకులను అలరింపచేశాయి. ఏకం స్వచ్ఛంద సంస్థ వారు అల్పాహారం అందించారు. ఈ పోటీలలో విజేతలుగా నిలిచిన వారికి టాకో ట్రస్టీలు శ్రీలత రేవూరు, జ్యోతి దండు, ఫణి భూషణ్ పొట్లూరి,కోటి బోడెపూడి, సుబ్బారెడ్డి కోవూరు బహుమతులు ప్రధానం చేశారు. చిరంజీవి సమ్మెట ఫోటోగ్రఫీ సేవలు అందించారు.

2020 టాకో అధ్యక్షులు జగన్నాథ్ చలసాని గారి ఆధ్వర్యంలో నీలిమ యలమంచలి గారి అధ్యక్షతన ఘనంగా జరిగిన ఈ వేడుకకు కమిటీ సభ్యులు కాళీ ప్రసాద్ మావులేటి, సుధీర్ కనగాల, ఉష శాఖమూరు, శివ చావా, రాజ్ వంటిపల్లి, సంపత్ నాలం, విజయ్ కాకర్ల, అనిల్ బ్యాడిగెర, వేణు అబ్బూరి, రామ్ సానేపల్లి, వినోద్ యడ్లపల్లి, సత్య మర్రే, ప్రదీప్ గుంటక, శ్రీదిత్య అట్లూరి, ప్రవీణ్ కుమార్ అంకం, రాజేష్ చెరుకూరి, భాను పొట్లూరి, శ్రీవర్షిణి ముద్దులూరు, తేజశ్వని కంచరపల్లి, ప్రదీప్ చందనం, జయ మేడేది, విక్రమ్ రాచర్ల, కీర్తి కౌశిక్ తరణి, అన్వేష్ పెండ్యాల, ఊహ కాట్రగడ్డ, రమ ప్రత్తిపాటి, చిరంజీవి సమ్మెట తదితరులు సహాయకులుగా వ్యవహరించారు.