న్యూజెర్సీ విరానీ జువెలర్స్ లో గన్ పాయింట్ దొంగతనం

అమెరికాలోని న్యూజెర్సీ నగరంలో గన్ పాయింట్ దొంగతనం జరిగింది. స్థానిక ఎడిసన్ పట్టణ నడిబొడ్డున ఉన్న ఓక్ ట్రీ రోడ్ లోని విరానీ జువెలర్స్ లో ఈ సంఘటన జరిగినట్లు తెలిసింది. సుమారు 6 గురు దుండగులు మొఖం కనబడకుండా గన్స్ తో వచ్చి లూటీ చేసినట్లు విరానీ జువెలర్స్ స్టోర్ వీడియోలో రికార్డు అయ్యింది.

మొత్తం రెప్పపాటులో జరిగిన దుర్ఘటనతో విరానీ గోల్డ్ అండ్ డైమండ్స్ స్టోర్ ఉద్యోగస్తులు భయకంపితులయ్యారు. స్థానిక భారతీయులు ఈ దుర్ఘటనను తీవ్రంగా ఖండించారు. అలాగే పోలీసులు కూడా పెద్ద ఎత్తున విచారణ చేపట్టారు. కొన్ని గంటల క్రితం అనగా అమెరికా కాలమానం ప్రకారం శుక్రవారం జూన్ 10 రాత్రి సుమారు 8 గంటలకు ఈ దొంగతనం జరిగినట్టు తెలిసింది.