నందమూరి బాలకృష్ణ వి వి వినాయక్‌ కాంబినేషన్లో ఇంకో సినిమా రాబోతుంది. వి.వి.వినాయక్‌ చెప్పిన కథ నచ్చడంతో మరియు ‘ఎన్టీఆర్‌’ బయోపిక్‌ కాస్త ఆలస్యం అవ్వడంతో జైసింహా చిత్రాన్ని నిర్మించిన సి.కల్యాణ్‌ నిర్మాతగా ఈ చిత్రాన్ని పట్టాలెక్కించాలని నిర్ణయించారు. మే 27న ఈ చిత్రం ప్రారంభించడానికి సన్నాహాలు చేస్తున్నారు. ప్రస్తుతం కథానాయిక కోసం అన్వేషిస్తున్నారు. బాలకృష్ణ వినాయక్‌ల కలయికలో ఇంతకుముందు చెన్నకేశవరెడ్డి సినిమా వచ్చిన విషయం విదితమే. పూర్తి వివరాలకోసం అభిమానులు మరికొంతకాలం వేచిచూడక తప్పదు.
