అట్లాంటా వెంకట్ నటించిన మిస్టరీ సినిమా విడుదల అక్టోబర్ 6న

పీవీ ఆర్ట్స్ పతాకంపై సాయికృష్ణ తల్లాడ దర్శకత్వంలో వెంకట్ పులగం నిర్మాతగా తెరకెక్కిన తెలుగు సినిమా మిస్టరీ (Mystery). తనికెళ్ల భరణి, అలీ, సుమన్, ప్రధాన పాత్రలు పోషిస్తున్న ఈ సినిమా లో సాయికృష్ణ, స్వప్న చౌదరి హీరో హీరోయిన్లుగా నటిస్తున్నారు.

ప్రముఖ ఎన్నారై, అట్లాంటా వాసి వెంకట్ దుగ్గిరెడ్డి (Venkat Duggireddy) కూడా ఈ సినిమాలో ఒక ముఖ్య పాత్ర పోషించారు. ఉత్తర అమెరికా తెలుగు సమితి (NATA) రీజినల్ వైస్ ప్రెసిడెంట్ గా సేవలందిస్తున్న వెంకట్ దుగ్గిరెడ్డి డిటెక్టివ్ రోల్ లో కనిపించనున్నట్టు సమాచారం.

ఈ సస్పెన్స్ థ్రిల్లర్ లో వెంకట్ దుగ్గిరెడ్డి నాచురల్ గా నటించారని ప్రముఖ నటులు సుమన్ (Actor Suman) కూడా ప్రెస్ మీట్ లో పొగిడిన సంగతి అందరికీ తెలిసిందే. ఈ సినిమా ప్రస్తుతం పోస్ట్ ప్రొడక్షన్ పనుల్లో ఉన్నట్టు, అనంతరం అక్టోబర్ 6న విడుదల చేస్తున్నట్లు నిర్మాత వెంకట్ పులగం తెలిపారు.

డైరెక్టర్ తల్లాడ సాయికృష్ణ మాట్లాడుతూ.. ఇది ఒక కామెడీ థ్రిల్లర్ (Suspense Thriller) సినిమా, అవుట్పుట్ చాలా బాగా వచ్చింది. ఈ రోజు టీం సభ్యులు ఉన్న పోస్టర్ ని విడుదల చేసాం. ఈ ప్రాజెక్ట్ నేను చేయడానికి సహకారం చేసిన మా టీం సబ్యులకు ధన్యవాదాలు. అలానే వెంకట్ దుగ్గిరెడ్డి, రవి రెడ్డి, బాబీ కి ప్రత్యేక ధన్యవాదాలు అన్నారు.

సత్య శ్రీ, గడ్డం నవీన్, అకెల్లా, సి.కే.రెడ్డి, శోభన్ లు నటిస్తున్న ఈ సినిమాకి కథ మాటలు శివ కాకు, సంగీతం రామ్ తవ్వ, కెమేరా సుధాకర్ బార్ట్లే మరియు ఎడిటింగ్ సూర్య తేజ గంజి చేస్తున్నారు. అందరూ అక్టోబర్ 6 కోసం ఆతృతగా ఎదురు చూస్తున్నారు.