NTR 102వ జయంతి సందర్భంగా Los Angeles లో ఘనంగా మినీ మహానాడు

Los Angeles, California: లాస్ ఏంజెల్స్‌ లోని ఎన్టీఆర్ (NTR) మరియు తెలుగుదేశం పార్టీ (Telugu Desam Party) అభిమానులు శ్రీ నందమూరి తారక రామారావు (Nandamuri Taraka Rama Rao) గారి జయంతిని పురస్కరించుకొని “మినీ మహానాడు (Mini Mahanadu)” వేడుకలను ఘనంగా నిర్వహించారు. ఈ కార్యక్రమం తెలుగు జాతికి ఎన్టీఆర్ (NTR) చేసిన సేవలను స్మరించుకోవడానికి, అలాగే పార్టీ భవిష్యత్తుపై చర్చించడానికి ఒక వేదికగా నిలిచింది.

ఈ వేడుకలకు లాస్ ఏంజెలెస్ (Los Angeles) మరియు సాన్ డియేగో (San Diego) నగరాలన్నీ మూలల నుండి తెలుగు ప్రజలు తరలివచ్చి పాల్గొనడం ప్రత్యేక ఆకర్షణగా నిలిచింది. ఈ కార్యక్రమాన్ని అట్లూరి శ్రీహరి జ్యోతి (Atluri Srihari Jyoti) ప్రజ్వలనతో ప్రారంభించి, వేడుకలకు శ్రీకారం చుట్టారు. ఈ సందర్భంగా పలువురు ప్రముఖులు ప్రసంగించారు.

శ్రీధర్ శాతులూరి (Sridhar Satuluri) మరియు సురేష్ కందేపు (Suresh Kandepu) మాట్లాడుతూ తెలుగు ప్రజలకు ఎన్టీఆర్ (NTR) ఎలా ఒక గుర్తింపును తీసుకొచ్చారో వివరించారు. సురేష్ అయినంపూడి (Suresh Ainampudi) మరియు విష్ణు యలమంచి (Vishnu Yelamanchi) మహానాడు (Mahanadu) చరిత్రను, అది ప్రస్తుతం ఎలా జరుపుకుంటున్నారో తెలియజేశారు.

ప్రతాప్ మేతారమిట్ట (Pratap Metaramitta) మరియు హేమకుమార్ గొట్టి (Hemakumar Gotti) మాట్లాడుతూ టీడీపీ (TDP) భవిష్యత్తు గురించి, లోకేష్ (Lokesh) నాయకత్వంలో పార్టీ రాబోయే దశాబ్దాలకు ఎలా సురక్షితంగా ఉంటుందో చర్చించారు. సుమంత్ వైదన (Sumanth Vaidana) ఎన్టీఆర్ (NTR) కుటుంబం గురించి, బాలకృష్ణ (Balakrishna) గారు క్యాన్సర్ ఆసుపత్రి (Cancer Hospital) కి చేస్తున్న అద్భుతమైన సేవలను ప్రశంసించారు.

వెంకట్ కోలనూపాక (Venkat Kolanupaka) తాను మొదట ఎన్టీఆర్ (NTR) సినిమా గొప్పతనానికి ఆకర్షితులై, ఆ తర్వాత చంద్రబాబు నాయుడు (Chandrababu Naidu) గారికి వీరాభిమానిగా ఎలా మారారో పంచుకున్నారు. ప్రశాంత్ అల్లాని (Prashanth Allani) తాను ఎన్టీఆర్ (NTR) గారిని విమానంలో కలిసిన సందర్భాన్ని గుర్తుచేసుకున్నారు. సుబ్బారావు నెలకుడితి (Subbarao Nelakudithi) మరియు శ్రీనివాస్ కొల్లు (Srinivas Kollu) పార్టీ ఆవిర్భావం నుండి ఎలా టీడీపీ (TDP) కి మద్దతు ఇస్తున్నారో వివరించారు.

కార్యక్రమం ముగింపులో, సురేష్ అంబటి, రామ్ యలమంచిలి, రామ్ యార్లగడ్డ, పరశురాం బోడెంపూడి, రామ్ చదలవాడ, వాసు వెలినేని, శ్రీకాంత్ రామినేని, శ్రీకాంత్ అమినిని, రవి చుండ్రు, వెంకట్ కోరిపెల్ల, కృష్ణ బాసమ్, శ్రీని వంకాయలపాటి తదితరులు ఎన్టీఆర్ (NTR) జయంతి కేక్ కట్ చేసి తమ అభిమానాన్ని చాటుకున్నారు. ఈ వేడుకలు విజయవంతంగా ముగిశాయి, ఇది లాస్ ఏంజెల్స్‌ (Los Angeles) లోని టీడీపీ (TDP) మరియు ఎన్టీఆర్ (NTR) అభిమానుల అభిమానాన్ని మరోసారి చాటింది.