నాట్స్ మాజీ అధ్యక్షులు మన్నవ మోహన కృష్ణ AP టెక్నాలజీ సర్వీసెస్ చైర్మన్ గా బాధ్యతల స్వీకరణ నవంబర్ 29న @ Guntur

టీడీపీ ఆంధ్రప్రదేశ్ రాష్ట్ర కార్యనిర్వాహక కార్యదర్శి, నాట్స్ (NATS) మాజీ అధ్యక్షులు, ఎన్టీఆర్ ట్రస్ట్ డైరెక్టర్, న్యూ జెర్సీ (New Jersey) ప్రముఖ ఎన్నారై, గుంటూరు (Guntur) వెస్ట్ సీనియర్ తెలుగుదేశం పార్టీ నాయకులు మన్నవ మోహన కృష్ణ ఆంధ్రప్రదేశ్ టెక్నాలజీ సర్వీసెస్ చైర్మన్ (APTS) గా ఎంపికైన సంగతి అందరికీ తెలిసిందే.

దీంతో ఆంధ్రప్రదేశ్ టెక్నాలజీ సర్వీసెస్ చైర్మన్ (APTS) గా మన్నవ మోహన కృష్ణ (Mannava Mohana Krishna) ఈ నెల 29న సాయంత్రం 6 గంటలకు గుంటూరు విద్యానగర్ లోని సిద్దార్ధ గార్డెన్స్ లో పదవీ బాధ్యతలు స్వీకరించనున్నారు. ఈ పదవీ బాధ్యతలు స్వీకరణ మహోత్సవ కార్యక్రమానికి అందరినీ సాదరంగా ఆహ్వానిస్తున్నారు.

గత శాసనసభ ఎన్నికలలో సామాజిక వర్గ సమతుల్యంలో భాగంగా గుంటూరు పశ్చిమ నియోజకవర్గ (Guntur West Constituency) సీట్ మిస్ అవ్వడం, ఇప్పుడు తెలుగుదేశం పార్టీ (TDP) సారధ్యంలోని కూటమి ప్రభుత్వం అధికారంలోకి రావడంతో మన్నవ మోహన కృష్ణ ని ఆంధ్రప్రదేశ్ టెక్నాలజీ సర్వీసెస్ చైర్మన్ పదవితో గౌరవించినట్లైంది.

తెలుగుదేశం పార్టీ (Telugu Desam Party) కి అమెరికాలోనూ, ఆంధ్రాలోనూ అంకిత భావంతో పని చేస్తూ, ఆర్ధికంగా అండగా వుంటూ, పార్టీకి ఎప్పుడు ఎలాంటి అవసరమున్నా వెన్నుదన్నుగా ఉండికష్టకాలంలో కార్యకర్తలకు అన్ని విధాలుగా అండగా నిలబడి పార్టీ బలోపేతానికి కృషి చేసిన మన్నవ కి పదవి దక్కడంతో ఇటు ప్రవాసులు అటు గుంటూరు ప్రజలు హర్షం వ్యక్తం చేస్తున్నారు.