విజయవంతంగా నాట్స్ ఉచిత వైద్య శిబిరం @ Ballwin, Missouri

Ballwin, Missouri, April 28, 2025:ఏప్రిల్ 28: అమెరికాలో తెలుగు వారి మేలు కోసం అనేక కార్యక్రమాలు చేపడుతున్న ఉత్తర అమెరికా తెలుగు సంఘం ‘నాట్స్’ (North America Telugu Society – NATS) మిస్సోరీలో ప్రతి నెలా ఉచిత వైద్య శిబిరాన్ని ఏర్పాటుచేస్తోంది.

ఈ క్రమంలోనే తాజాగా నాట్స్ మిస్సోరి విభాగం (NATS Missouri Chapter) బాల్విన్‌ లోని మహాత్మగాంధీ సెంటర్‌ (Mahatma Gandhi Center) లో ఆదివారం నాడు ఓ ఉచిత వైద్య శిబిరాన్ని నిర్వహించింది. ఈ శిబిరంలో నాట్స్ బోర్డు గౌరవ సభ్యులు డాక్టర్ సుధీర్ అట్లూరి ఉచిత వైద్య సేవలు అందించారు.

రోగులను పరీక్షించిన సుధీర్ అట్లూరి (Dr. Sudheer Atluri) వారికి విలువైన వైద్య సలహాలు ఇచ్చారు. నాట్స్ మాజీ ప్రెసిడెంట్ శ్రీనివాస్ మంచికలపూడి (Srinivas Manchikalapudi), నాట్స్ (NATS) మిస్సోరి విభాగం కోఆర్డినేటర్ సందీప్ కొల్లిపర (Sandeep Kollipara) ఈ వైద్య శిబిరం నిర్వహణకు సహకారం అందించారు.