ఛాంపియన్స్ ట్రోఫీ సొంతంపై NATS హర్షం, అమెరికాలో Cricket అభిమానుల సంబరాలు

ICC Champions Trophy: ఛాంపియన్స్ ట్రోఫిలో భారత్ విజయం సాధించడంపై ఉత్తర అమెరికా తెలుగు సంఘం (NATS) హర్షం వ్యక్తం చేసింది. ఉత్కంఠభరితంగా సాగిన ఫైనల్ మ్యాచ్లో భారత్ (India) గెలవడంతో అమెరికాలో భారత క్రికెట్ (Cricket) అభిమానులు సంబరాలు చేసుకున్నారు.

ఛాంపియన్స్ ట్రోఫీలో ఒక్క మ్యాచ్‌ కూడా ఓడిపోకుండా భారత్ ఫైనల్‌కు చేరడం.. ఫైనల్‌లో కూడా అసాధారణ విజయం సాధించడాన్ని నాట్స్ నాయకత్వం అభినందించింది. భారత క్రికెట్ కెప్టెన్ రోహిత్ శర్మ (Rohit Sharma) తో పాటు ప్లేయర్స్‌ అంతా ఈ సీరీస్‌లో అద్భుతమైన ఆటతీరును ప్రదర్శించారని నాట్స్ బోర్డ్ చైర్మన్ ప్రశాంత్ పిన్నమనేని (Prasanth Pinnamaneni) ఓ ప్రకటనలో తెలిపారు.

ఛాంపియన్స్ ట్రోఫీ విజయంతో ప్రవాస భారతీయుల హృదయాలు ఆనందంతో ఉప్పొంగాయని నాట్స్ (NATS) అధ్యక్షుడు మదన్ పాములపాటి (Madan Pamulapati) అన్నారు. ఛాంపియన్ ట్రోఫీ (ICC Champions Trophy) లో భారత్ విజయానికి తామంతా గర్వపడుతున్నామని నాట్స్ ప్రెసిడెంట్ ఎలెక్ట్ శ్రీహరి మందాడి తెలిపారు.