Associations
మీట్ & గ్రీట్ విత్ తెలంగాణ అమెరికన్ తెలుగు అసోసియేషన్ ప్రెసిడెంట్ ఎలెక్ట్ వంశీ రెడ్డి
తెలంగాణ అమెరికన్ తెలుగు అసోసియేషన్ ‘టిటిఎ’ బోస్టన్ చాప్టర్ ఆధ్వర్యంలో ప్రెసిడెంట్ ఎలెక్ట్ వంశీ రెడ్డి తో మీట్ & గ్రీట్ కార్యక్రమం ఘనంగా జరిగింది. వెస్ట్బొరో లోని స్థానిక మయూరి రెస్టారెంట్లో గత మంగళవారం ఆగష్టు 24న నిర్వహించిన ఈ కార్యక్రమానికి తెలంగాణ అమెరికా తెలుగు సంఘం సభ్యులు మరియు లోకల్ లీడర్షిప్ హాజరయ్యారు. ఉత్తర అమెరికా తెలుగు సంఘం ‘తానా’ గత అధ్యక్షులు మోహన్ నన్నపనేని పాల్గొన్నవారిలో ఉన్నారు . టిటిఎ బోర్డ్ ఆఫ్ డైరెక్టర్స్ కర్రా మల్లా రెడ్డి, డాక్టర్ జంద్యం దివాకర్ మరియు ప్రాంతీయ ఉపాధ్యక్షులు శ్రీనివాస్ రెడ్డి ఈ మీట్ & గ్రీట్ విత్ టి.టి.ఏ ప్రెసిడెంట్ ఎలెక్ట్ వంశీ రెడ్డి కార్యక్రమాన్ని పకడ్బందీగా ఏర్పాటుచేశారు. వీక్ డే అయినప్పటికీ ఎక్కువమంది పాల్గొనడం విశేషం. వంశీ రెడ్డి అందరితో కలియతిరిగి అందరిలో ఒకరిలా కలిసిపోయారు. చివరిగా విందు భోజనంతో కార్యక్రమం ముగిసింది.
