Boston, Massachusetts: సనాతన ధర్మ పరిరక్షకురాలు మాధవి లత కొంపెల్లతో ప్రవాసులు సమావేశం

Boston, Massachusetts: ప్రముఖ సనాతన ధర్మ పరిరక్షకురాలు శ్రీమతి మాధవి లత కొంపెల్ల (Madhavi Latha Kompella) తో బోస్టన్ తెలుగు ప్రవాసులు సమావేశమయ్యారు. ఆమె వేద విజ్ఞానం మరియు స్పష్టమైన ఆలోచన విధానం యువతను, పెద్దలను సనాతన ధర్మంతో మరింత లోతుగా అనుసంధానించేందుకు ఉపయోగపడింది.

ఈ కార్యక్రమంలో పాల్గొన్నవారిని ఉద్దేశించి మాట్లాడిన శ్రీమతి మాధవి లత కొంపెల్ల (Madhavi Latha Kompella), సనాతన ధర్మం యొక్క శాశ్వత ప్రాసంగికతను వివరించడంతో పాటు, ధార్మిక విలువల ద్వారా యువతకు మార్గనిర్దేశం చేయడం, ఆధ్యాత్మిక మరియు సాంస్కృతిక చైతన్యంతో మహిళలను శక్తివంతం చేయడం యొక్క ప్రాముఖ్యతను వివరించారు.

“సనాతన ధర్మం (Sanathana Dharma) వ్యక్తులను, కుటుంబాలను, సమాజాన్ని బలోపేతం చేసే శాశ్వత సూత్రాలను అందిస్తుంది. మహిళలు (Women) ఆధ్యాత్మికంగా శక్తివంతమైతే, భవిష్యత్ తరాల కోసం ధర్మానికి స్తంభాలుగా నిలుస్తారు,” అని శ్రీమతి మాధవి లత కొంపెల్ల పేర్కొంటూ, సంస్కృతి మరియు విలువల పరిరక్షణలో మహిళల పాత్రను హైలైట్ చేశారు.

ఈ సందర్భంగా కృష్ణ ప్రసాద్ సోంపల్లి (KP Sompally) తదితరులు సనాతన ధర్మ పరిరక్షకురాలు శ్రీమతి మాధవి లత కొంపెల్ల (Madhavi Latha Kompella) ని పుష్ప గుచ్చం మరియు శాలువాతో ఘనంగా సత్కరించారు. కార్యక్రమం అనంతరం అందరూ ఉత్సాహంగా ఫోటోలు దిగారు.