KCTCA @ Kansas City: జానపదాల హోరులో సంబరంగా 19వ వార్షికోత్సవ బతుకమ్మ & దసరా వేడుకలు

Kansas City: ప్రపంచములో ఏ ప్రాంతంలోనైనా సరే దేవుడిని పూజించాలన్నా ప్రార్థించాలన్నా.. పూలతో కొలుస్తారు.. కానీ ఆ పూలనే భగవంతుడి రూపంగ అమ్మవారి ప్రతిరూపంగా బతుకమ్మ గా కొలువడమనేది ఒక్క తెలంగాణ సంస్కృతికే సొంతం. బ్లూ వాలీ అకాడమీ హాల్ దీప కాంతుల వెలుగుల్లో ఆడపడుచులందరు బతుకమ్మ పాటలు పాడుతూ, ఆటలూ ఆడుతూ బతుకమ్మ పండుగను సంబరంగా జరుపుకున్నారు.

కన్సాస్ సిటి తెలంగాణ కల్చరల్ అసోసియెషన్ (KCTCA) ఆద్వర్యములొ జరిగిన 19 వ వార్షికోత్సవ బతుకమ్మ మరియు దసర వేడుకలు అంబరాన్ని తాకాయి. గునిగిపూల సోయగాలు.. తంగేడు రెపరెపలు.. ఉప్పుపూల పులకరింతలు.. మందార మకరందాలు.. బంతి సింగారాలతో ముస్తాబై.. బతుకమ్మగా పూదొంతరల శిఖరాగ్రాన మట్టి తొ తయారు చేసిన 5 అడుగుల అమ్మవారు విగ్రహం మధ్య కాకతీయ కాళా తోరణం కింద కొలువుదీరిన గౌరమ్మ, మధ్యాహ్నం 4:00 గంటలకు గౌరీ మరియు జమ్మిపూజతో కార్యక్రమం ప్రారంభమయింది.

రంగు రంగుల పూలతో బతుకమ్మ (Bathukamma) ను పేర్చి గౌరీ దేవిని ఘనంగా పూజించారు. బతుకమ్మ సంబరాలను ఆటాపాటాలతోఅంగరంగ వైభవంగా నిర్వహించారు. సుపరిచిత జానపద గాయకులు డాక్టర్ జనార్దన్ పన్నెల (Dr. Janardhan Pannela) ఒక్కేసి పువ్వేసి సందమామ.. ఒక్క జాములాయే సందమామ.. అంటూ ఎన్నెనో జానపదాల హోరు.. బతుకమ్మ సంస్కృతి తీరొక్క పూలతో పేర్చిన బతుకమ్మలతో మహిళలంతా కోలాటాలు, సంప్రదాయ బతుకమ్మ ఆట, పాటలతో సందడి చేశారు.

డాక్టర్ జనార్దన్ పన్నెల మరపు రాని గాన మాధుర్యంతో తెలంగాణ సంస్కృతి సంప్రదాయాలను ఇనుమడింపజేశారు. ఈ ఉత్సవాల్లో పిల్లలు పెద్దలు అంతా అందంగా పాల్గొన్నారు. తెలంగాణ (Telangana) సంస్క్రుతిని తెలిపేలా బతుకమ్మ సంబరాలను ఘనంగా నిర్వహించడం ఆనందంగా ఉందని మహిళలు తెలిపారు. తమ సంస్కృతి మరియు సంప్రదాయాన్ని మరచిపోలేదని నిరూపించారు.

బతుకమ్మను విశ్వవ్యాప్తం చేయడంపైనా పలువురు మహిళలు హర్షం వ్యక్తం చేశారు. ఓవర్లాండ్ పార్క్ (Overland Park) నగర మేయర్ (Mayor) కర్ట్ స్నూగ్ వారి సతీమణి ముఖ్య అతిధిగ విచ్చేసి బతుకమ్మ ఆట పాట లో ఉత్సహం గా పాల్గొన్నారు. డీజే అక్కి తన గొప్ప గొప్ప బతుకమ్మ పాటలు, తెలంగాణ జానపద పాటలు, బాగా ప్రాచుర్యం పొందిన పాటలతో అలరించారు.

డాక్టర్ జనార్దన్ పన్నెల పాడటం ఆడటం మరియు పురుషులను కూడా, స్త్రీలని ప్రోత్సహించడానికి పిలిపించారు. ఈ కార్యక్రమం ముగిసే సరికి శక్తి మరియు అభిరుచితో మహిళలు బతుకమ్మ (Bathukamma) ఆట పాటలతో కొనసాగించి బాలికలు పాల్గొనడం కాకుండా, కోలాటం ఈ ఈవెంట్లో ప్రత్యేక ఆకర్షణ. పూజ అనంతరము భక్తులందరికీ పూజలో కంకణాలను బట్టి జమ్మి ఆకు (బంగారం) మరియు ఆక్షింతలు ఇతరులకు ఇచ్చి అలై బలై చేసారు.

అన్ని కుటుంబాలు జమ్మీని పంచుకోవడం మరియు పెద్దల నుండి అతిధుల నుండి దీనెనను తీసుకున్నారు. సుమారు 1200 మంది పైగా జనాలు ఈ ప్రోగ్రాం కి విచ్హేసి సంబరాలలొ బాగమయి ఈ కార్యక్రమన్ని తెలంగాన లొ నె బతుకమ్మ జరుపుకుంటున్నమా అని తలపించె విధముగ ఈ కార్యక్రము ని విజయమంతం చేసారు. బతుకమ్మ సాగనంపే కార్యక్రమాన్ని ప్రత్యక్ష సాంప్రదాయ తెలంగాణ (Telangana) డప్పు సంగీత వాయిద్యం తో ఊరేగింపుగా తీసుకెళ్ళి కొలనులో నిమజ్జనం చేశారు. మృష్టాన్న భోజనాలతో సభ రాత్రి 10:30 కి పండుగ ముగిసింది.

కేసీటీసీఏ ఆర్గనైజషన్ ఫౌండర్ బిందులత (Bindu Cheedella) మరియు రాజ్ చీదెళ్ల (Raj Cheedella) ఆధ్వర్యంలో కమిటీ సభ్యులు అభిషేక్, నిఖిల్, శ్యామ్, సుధాకర్, శ్రవణ్, శ్రీనివాస్,హేమంత్, ఉదయ్, రోహిత్, మయూరి, శైలజ, నందన, సరళ, నీలిమ, శ్రీపుల్ల, అనూష, తేజ మరియు బోర్డు మెంబెర్స్ సునీల్, సుధీర్ పర్యవేక్షణలో, మరియు యువ సభ్యులు శ్రీకాంత్, కిరణ్, లేఖజ్, అరవింద్ మరియు నితీష్ సహాయ సహకారాలతో మరియు 30 మంది వలంటీరుల సమిస్టి క్రుషితో కార్యక్రమము అద్భుతం గా ఎటువంటి ఆటంకాలు లేకుండా జరగటానికి తోడ్పడ్డారు.

ఈ 19వ వార్షికోత్సవ బతుకమ్మ ఉత్సవాన్ని కాన్సస్ చరిత్రలోనే అతిపెద్ద బతుకమ్మ పండుగగా దిగ్విజయంగా జరిగినందుకు సభికులకు ధన్యవాదాలు తెలిపారు. ఈ కార్యక్రమానికి పూర్తిగా సహకరించిన అందించిన విశ్వ అమ్ముల మరియు డీజే అక్కి, మీడియా పార్టనర్స్ KCDesi, TV9 కి ప్రత్యేకంగా కృతజ్ఞతలు తెలుపారు. ఈ కార్యక్రమానికి హాజరైన అందరికీ ధన్యవాదాలు తెలిపారు. చివరగా ఆర్గనైజషన్ ఫౌండర్ బిందులత గారు వందన సమర్పణతో ఈ వేడుకలు ముగిసాయి.