Frankfurt, Germany: అఖండ2 చిత్రానికి యమా క్రేజ్, మొదటి టికెట్ 1000 యూరోలకు దక్కించుకున్న అభిమాని

Frankfurt, Germany: అఖండ (Akhanda) చిత్రానికి తెలుగు రాష్ట్రాల్లోనే కాకుండా ఓవర్సీస్‌లో కూడా విపరీతమైన బిజినెస్ క్రేజ్ ఉంది. జర్మనీ (Germany) దేశానికి ఎంతో మంది పోటీ పడినా, అత్యంత ఎక్కువ ధరకు బిడ్ వేసి, ఇప్పటి దాకా ఏ సీనియర్ హీరోకి లేని అతి పెద్ద ఆఫర్‌తో బాలయ్య (Nandamuri Balakrishna)కు కొత్త రికార్డు నెలొల్పింది తారకరామ ఎంటర్టైన్మెంట్స్ సంస్థ.

తారకరామ ఎంటర్టైన్మెంట్స్ (Tarakarama Entertainments) తరఫున శ్రీకాంత్ కుడితిపూడి మాట్లాడుతూ, వారి సంస్థకు ఈ సినిమా జర్మనీ రైట్స్ దక్కటానికి సహకరించిన 14 రీల్స్, పరుచూరి కోటి, రిలయన్స్ శ్రీధ, UK డ్రీమ్స్ ఎంటర్టైన్మెంట్ రామ్ మరియు శ్రీను గోగినేనిలకు ధన్యవాదాలు తెలిపారు.

సినిమా ప్రమోషన్స్‌లో భాగంగా ప్రతి పెద్ద సెంటర్‌లో నందమూరి అభిమానులను కలుపుకొని ప్రమోషన్లు భారీగా చేస్తున్నామని సుమంత్ కొరపాటి (Sumanth Korrapati) తెలిపారు. ప్రమోషన్స్‌లో భాగంగా మొదటి టికెట్, ఫ్యాన్ టికెట్‌గా వేలం వేస్తే, జర్మనీ (Germany)–ఫ్రాంక్‌ఫర్ట్ (Frankfurt) ప్రాంతానికి లక్ష రూపాయలు (1000 యూరోలు) చెల్లించి రాజశేఖర్ పార్ణపల్లి (Rajashekar Parnapalli) దక్కించుకున్నారు.

ఫ్యాన్ టికెట్ విన్నర్ రాజశేఖర్ మాట్లాడుతూ, అనంతపూర్‌ నుండి జర్మనీకి వచ్చినా తనకు బాలయ్యపై అభిమానం మరింత పెరిగిందే తప్ప తగ్గలేదని తెలిపారు. అలాగే, ఇండియా (India) లో చేసినట్టే ఇక్కడ కూడా ప్రమోషన్స్, బ్యానర్లు, ఫ్యాన్ టికెట్స్‌తో ప్రజల్లోకి సినిమా తీసుకెళ్లే కార్యక్రమాలను తారకరామ ఎంటర్టైన్మెంట్స్ చేస్తుండటాన్ని అభినందించారు.

అఖండ తాండవం ఎలా ఉండబోతుందో చూడటానికి ఎంతో ఆసక్తిగా ఎదురు చూస్తున్నామని తెలిపారు. ఈ ఫ్యాన్ టికెట్స్ తర్వాతి రోజుల్లో మ్యూనిక్ (Munich), స్టుట్గార్ట్ (Stuttgart), డ్యుసెల్డార్ఫ్, న్యూరెంబర్గ్ నగరాల్లో కూడా అత్యంత భారీ ధర చెల్లించి కొన్న అభిమానులను ఇలాగే వెల్లడించబోతున్నామని సుమంత్ కొరపాటి తెలిపారు.